Hmeichhe world number one Ashleigh Barty chuan infiamna khawvel a barakhaih a, kum 25 mi chauh niin professional tennis a chawlhsan.
Australian mi Barty hian social media kaltlangin a thutlukna hi a puang a. Tennis ni lo thildangah hlawhtlinna um tura ke pen a duh thu a sawi.
Barty hian a chawlh chhan sawifiahin a taksa in a tlin tawh lo niin a sawi a. “Kan theihna \ha ber phawkchhuak tura beih nasat a ngaihzia ka hria a, ka team bulah pawh vawi tam tak ka sawi tawh \hin. Ka tlin tawh lova, hetianga nasa hian ka bei thei tawh lo tih ka sawi tawh.”
“Ka taksa bikah hian hlawhtlinna nei tura hlan leh tur chuan ka nei tawh lova, he ka infiamna ngainat lutuk tennis-ah hian ka theihtawp ka hlan tawh a, kalsan turin ka inpeih a, lungawi takin ka mang\ha thei.” tiin a sawi.
Barty hian Grand Slam singles title vawi thum a la tawh a, kumin Australian Open-ah January thla khan an ramah a champion a. Kum 44 chhunga Australia a ram leilung fa champion hmasa ber a ni.
Kum 2021 Wimbledon a champion hnuah tennis-ah a tum ber a hlen hnuah a thil thlirdan a dang niin a sawi bawk.
Barty hian kum 14 mi niin professional tennis a khel \an a, kum 2014 khan tennis khelh hi chawlhsanin hmeichhe cricket a khel a, kum 2016 khan tennis-ah a kir leh.
Kum 2019 khan French Open-ah champion in a Grand Slam title hmasa ber a la a. Hemi hnu lawk hian world number 1 niin kar 114 chhung he nihna hi a chelh.