Manchester United chuan Ajax Amsterdam a fak hlawh taka hna thawk mek coach Erik ten Hag chu an manager hna ruak tur chungchangah inbiakna an neihpui.
United-ah hian tunah Ralf Rangnick chuan interim coach angin hna a thawk mek a, November thla a Ole Gunnar Solskjaer ban a nih hnuah German coach in club a enkawl chhunzawm.
Old Trafford-ah hian manager thar ni tura awm ang ber sawi theih erawh a la ni lova, club in an manager thar tur tihfel thuai duh mahse manager ni thei tura an mi duh thlanchhuah an nei nual.
Tunge Ten Hag?
Kum 52 mi Ten Hag hi Man United enkawl thei tura sawi rik dang Mauricio Pochettino ang bawkin kum 2023 thleng tuna a club enkawl laiah contract nei a ni a. Mahse United in an umzui dawn a nih chuan a contract neih hi pek tlak an tan a buaithlak dawn lo.
Bayern Munich second team enkawl tawh niin kum 2017 December a\angin Ajax-ah hna a thawk \an a. Dutch club-ah team hlawhtling dinin kum 2019 khan UEFA Champions League final a hruai thleng teuh hle a. Tottenham in huntawp dawnah Lucas Moura goal vanneihpui lo se final an khel ang.
Ajax Amsterdam a a hlawhtlinpui player-ten club an chhuahsan hnuah beisei anga an khelh loh nual avangin Ten Hag-a coaching in fak a hlawh zui hle bawk.
Ajax hian a hnuaiah Dutch league title kum 2019 leh 2021 khan an la a, tun season-ah point hnihin PSV Eindhoven lakah hma an hruai mek.
United-ah hian ani emaw midangin hna an thawk dawn a nih chuan hmabak a tam hle a. An player langsar pali- Paul Pogba, Jesse Lingard, Edinson Cavani leh Juan Mata ten nipuiah contract an hmang zo dawn.
Hei bakah hian senior player hmalam hun chiang lo an awm nual bawk a, heng zingah hian Cristiano Ronaldo telin chhuak mai thei anga sawi ni fo mahse kum 37 mi ni tawh chunga a hlawh a tam avangin United anga sum inseng tam ngam an awm a rinawm lo.
Tun season zawhah manager thar a awm chuan Rangnick hi Old Trafford-ah consultant angin kum hnih chhung thawk tura inremna nei an ni tawh a. Ten Hag nena inhre tawhsa an nih avangin Dutch coach tan hei hi thil lawmawm ni tura ngaih a ni.
Ten Hag ngei pawh hian Germany-ah hna a thawh tawh avangin an thil kalpui dan – head coach-te leh sporting director te nasa zawka an thawkdun \hin chu \ha a tih thu a lo sawi tawh.
Tute nge midang?
Paris St-Germain boss Mauricio Pochettino chu hming langsar dang
a ni a, ani pawh hi United hian thutlukna n siam hma in inbiakna an neihpui tura ngaih a ni.
Sevilla coach Julen Lopetegui chu United club chhungah duhtu ngah a ni bawk a, ani bakah Spain coach Luis Enrique sawi rik a ni a, mahse kumtawp World Cup hma in club lam sawmna a pawm a rinawm loh thung.
United hian Chelsea dinhmun an thlir tel bawk a, German manager Thomas Tuchel chuan chhuah lam sawi lo mahse an hma hun a chian loh avangin an ngaihven ve reng.