Aizawl: Mizoram Rajya Sainik Board meeting vawi 17-na chu nimin khan Raj Bhavan-ah Mizoram Rajya Sainik Board president, larsap ni bawk, Hari Babu Kambhampati hova neih a ni.
Larsap chuan, World War II Veteran leh World War II a tang thin, sipai in a thihsan hmeithai in chhawmdawlna a dawn chu Rs.1200 & Rs.1000 atangin Rs.2400 & Rs.2000 ah Mizoram sorkarin a tih san sak tawh tih a sawi a, tunah hian hetianga chhawmdawlna dawngtu veteran 33 leh hmeithai 369 an awm mek tih a sawi.
2nd Assam Regiment \hiah a nih taka sipai lo \ang thin, tuna taksa lama rualban ta lo mi parukte pawh chhawmdawl chhunzawm niin Rs. 1,200 an dawn \hin chu Rs 2,400-ah tihsansak a ni tih a sawi a, Ex-Servicemen leh sipaiin a thihsan hmeithaiten chhawmdawlna an dawn dante pawh a sawi bawk.
Chief Minister Zoramthanga chuan Mizoram sorkarin Ex-Servicemen leh an chhungte ham\hatna a ngaih pawimawh thute, a theih ang angin an mamawh zinga a \ul zual deuhte chu tihhlawhtlinsak a duh tih a sawi.
Mizoram ramri venhimna atan Mizo an \hat ber thu sawi tel bawkin, hemi chungchang hi union home minister pawh a sawipui tawh a, union home minister hnenah hian Mizorama Ex-Servicemen-te chu Myanmar leh Bangladesh hrula ramri venna puitu atan battalion hnih talah siam ni se tiin ngenna a siam tawh tih a sawi bawk a ni.
MRSB meeting-ah hian Ex-Servicesmen Contributory Healthcare Schemes rate for NE States/Mizoram tihsan te, ramri venna thawk mekte pui tura Ex-Servicemen Battalion din rawtna te, hna ruak hnawh khah leh post thar siam belh chungchang te, Sainik Rest House sak belh chungchang te, Sainik Office Building sakna tur hmunhma ngaihtuah chungchang te, Ex-Servicemen-te puala NCC Office-a hnathawh tur hauhsak chungchang te, War Memorial hmun danga sawn chungchang leh thil pawimawh dang te sawiho a ni.