Chhanchhuah hna thawktute chuan kar tir lama tlangrama China Eastern thlawhna tlakna hmunah ruang an hmu ta tih an ram sorkar chuan a puang.
Thuneitute hian tun thlengin chetsualna thlenga thi zat an la puang lo va; mahse, mi 132 chuangte zingah dam chhuak an awm beiseina a awm meuh lo.
Chhuitute chuan Thawh\annia chhiatna thlengah hian engvangin nge thlawhna kha a thlawh hniam thut theih tih an la hre thei lo.
Cockpit voice recorder an chhar tawh a, heta \ang hian eng emaw zat chu an hriat belh theih an inbeisei thung.
Black box an chhar hi a pawn lam chu a chhe nasa hle a; mahse, a chhung lama thil chhinchhiah (record)-te erawh a him hmel niin thuneitute chuan an sawi a. Beijing-ah zir chian tura thawn a ni.
A zawngtute hian thil pawimawh tak, black box hi Nilaini khan an chhar a ni.
Wuzhou-a thlawhna tlakna hmun hi a chhengchhe hle a, a awih hle bawk a, ruah a tam bawk si avanga tuihawk a tam avangin chet a harsa hle a. Thlawhna keh them leh a chuangte bungrua neuh neuh hmuh bak hma an sawn chak lo hle.
Nilaini khan a chiangte chhungte chu chetsualna hmunah hian hruai thlen an ni a. Chanchinbumite an kal pelh lai chuan a tam zawk chu kun hniam mah se \henkhat erawh biak theih an ni.
Kunming a\anga Guangzhou pana thlawhna thlawk tla ta hi China pumah mak tih a hlawh a. An ram hi kum 30 chhungin thlawhna lama chhiatna lian an tawk meuh lo.
President Xi Jinping chuan a tlak chhan chhui turin thu a pe nghal a. Vice Premier Liu He leh mi dang eng emaw zat chu Guangxi province-a tlangrama an chetsualnaah hian a tir nghal bawk.
Tun thleng chuan thlawhnaah hian khawl lam fel lohna emaw, khaw awm danin a zir loh emaw a awm hriat a la ni lo.
Nilainia thuthar lakhawmtute an kawmnaah aviation thuneitute chuan khaw awm dan fel lo emaw, thlawhna thlawh kawnga tibuai thei an awm loh thu an sawi a. China Eastern pawhin Boeing 737-800 thlawhna hi kum sarih pawh la tling lo a ni a, a thlawh hmaa endik pawh \ha takin a paltlang vek niin an sawi.
Pilot pathum an awm niin China Eastern thuneitute chuan an sawi a. Captain hi darkar 6,709 zet thlawhna lo khalh tawh niin first leh second officer te pawh darkar 31,769 leh 556 zet lo enkawl tawh an ni.
“Kan hriat theih chinah pilot pathum hi an \ha,” tiin airline aiawhtu chuan a sawi.
Air traffic control pawhin thlawhna hi lei lama a bir thlak hma zawng chu pilot-te nen an inbe reng tih an sawi.
Flight tracking data-ah chuan minute reilo te chhungin a thlawh san zawng chu a hniam vak niin a lang.
FlightRadar24 a\anga a lan dan chuan ft 29,100-a sang a\angin minute hnih leh second 15 chhungin ft 9,075-ah a tla hman a. An awmna chin hriat hnuhnung ber chu chawhnu dar 3:22-a ft 3,225-a an awm lai a ni.
Chhuitute chuan chetsualna thlen theih chhan hrang hrang – chetsual palhna, pilot tihsual, khawl lam fel lo, thlawhna dik lo leh vansanga insu a ni em tihte an en zui ang.
China-a chhuitute hian US aviation expert-te pawh pui turin an sawm a, Boeing hi US-a siam a ni a. Biden-a sorkar pawhin an sawmna hi \ha an tih thu an sawi.
Hetih lai hian US thuneitute chuan China-a Covid avanga inkhung hranna dan khauh tak avangin team an tir dawn em tih an sawi thei rih lo.
Hetih lai hian China-a aviation thuneitute chuan chawlhkar hnih chhung thlawhna a him em tih endik vek an tum a, China Eastern leh an hnuaia mi pahnih chuan Boeing 737-800 thlawhnate an dintir rih dawn bawk.