Aizawl: Serchhip Chhim Venga Lalpuithanga Hall-ah nimin khan Myanmar a\anga raltlan, Serchhip Chhim Veng, Dinthar leh Darnam Venga chengte pualin Capacity Building Programme buatsaih a ni.
Deputy Commissioner’s Office, Serchhip District huaihawta neihah hian veng pathuma Myanmar raltlan awmte hnenah dan leh hrai an hriat tur pawimawh te, Foreginer’s Act, 1946 leh Integrated Child Protection Scheme (ICPS) tih thupuite hmangin an tana hriattur pawimawhte sawi a ni.
F.Lalnisai, Sub- Deputy Commissioner kaihhruaiah hian Lalmuansanga Ralte, Additional Deputy Commissioner & Nodal Officer for Myanmar Refugees chuan thu sawiin harsatna an tawk chu pawi a tih thu leh Mizoramah thlamuang taka awm tura an duh thu a hrilh a. Mizorama an awm chhungin ram dan pawimawh hriattur tam tak an neih avangin hetiang hun hi an buatsaihsak thu a hrilh a ni.
C. Lalremthanga, O/C Serchhip Police Station-in dan leh hrai hriat tur pawimawh leh Foreigner’s Act, 1946 sawifiahin Lalramdinmawii, Protection Officer, Institutional Care, ICPS-in Integrated Child Protection Scheme (ICPS) hnuaia hriattur pawimawh te a sawi bawk a ni.
He hunah hian village council pathum a\anga village council aiawha kalten report an pe bawk.