Chief Minister Zoramthanga hova nimina Council of Ministers \hukhawm chuan zu khuahkhirhna dan, The Mizoram Liquor (Prohibition) Act, 2019 kenkawhna tur, MLP Draft Rules 2022 a pawm a, rules-ah hian wine siam leh zawrh phalna chungchang tar lan a ni lo.
Chief Minister Conference Hall-a \hutkhawmah hian March 20, 2019-a assembly house-a pawm tawh, The Mizoram Liquor (Prohibition) Act, 2019 kenkawhna tur, MLP Draft Rules 2022 pawmpui turin rawtna a lut a, ngun taka ngaihtuah a ni hnuah he draft rules hi pawm a ni.
Excise Minister Dr K Beichhua chuan The Zozam Times a hrilh danin The Mizoram Liquor (Prohibition) Draft Rules 2022-ah hian wine siam leh zawrh phalna chungchang tar lan a ni lo a ni.
Dr K Beichhua chuan draft rules zir chiang tura sorkarin committee a dinin wine siam leh zawrh chu khap an duh thu leh hemi chungchangah MKHC, NGO leh political party te a rawn thu sawiin, ziakin he rules-ah hian wine siam phalna telh tura rawtna an dawn lo thu a sawi.
MLP Draft Rules 2022-ah wine siam leh zawrh chungchang telh a nih loh chuan phal loh a nih mai thu a sawi a. Draft rules chungchang sawi belhin, zu khapna tura dan tesep hrang hrangte pawh a awm chho ta tiin, military (sipai) canteen-ah zu zawrh phalna erawh pek theih a nih thu a sawi bawk.
Nimina Council of Ministers \hutkhawmah hian Rural Development Department a\anga Tlabung RD Block leh Kawrtethawveng RD block siam tura rawtna lut chu pawm a ni a. Tlabung RD Block thar siam tur hi Lungsen RD Block a\angin leh Bunghmun RD Block hmun \henkhat a\anga sahthlak tura ruahman a ni a; Kawrtethawveng RD Block hi Zawlnuam RD Block a\anga sahthlak tura ruahman a ni bawk.
Heng bakah hian home department a\anga rawtna lut, The Mizoram Private Security Agencies Rules, 2022 chu pawm a ni bawk.