Qatar a World Cup
2022 khel lo tur Italy

European champion Italy in 2022 World Cup an khel dawn lova. FIFA World Cup Qualifying playoff inkhelah North Macedonia lakah 1-0 in an tlawm.
Palermo a inkhelah hian North Macedonia tan Aleksandar Trajkovski chuan minute 92-naah chakna goal a khung a. Italy midfield in ball an hloh chu la in penalty area hmawr a\angin mawi takin a pet lut.
Goal a luh veleh North Macedonia bench an lawm a, Italy player-te leh coaching staff te erawh lungawi in an indawm.
He result avang hian Italy hian a zawna vawi hnih nan World Cup finals an khel dawn lova. Azzurri in international football a inelna lian a inlan leh nan kum 12 tal an ngah a ngai dawn.

European champion an mualpho
Ropui takin Wembley Stadium-ah Italy in European Championship an chawi a\anga thla 8 hnu lekah an che sual a. Euro 2020-ah rinkai zinga tel lem lo chungin khawvela football an barakhaih a, tun \umah rinkai nih an zo lo.
World Cup qualiftying-ah tlawm lo char char nimahsela point an hloh ngun avangin pahnihna an ni pha chauh a. Mahse 8 an khelh a\ang vawi li chakin vawi li draw an nei.
North Macedonia lakah pawh ball an chang hnem a, inkhel thunun mahse an tlarhnung an \hiat thei lo. Mumal taka goal nawr vawi 32 an neih a\angin goal zawnah shot vawi 5 chauh an nei.
A tawpah world rankings a number 67 an vannei ta zawk.
Italy head coach Roberto Mancini chuan, “Nikum nipuiah ka huntawn tawha ka hlim ber \um ka hmang a, vawiinah ka hun thim ber ka hmang ve leh bawk. Sawi ngaihna pawh ka hre lova, a na ka ti.”
“Player-te ka tawrhpui a, he team hian nikumah phu takin Euro a chawi a, mahse a vawi hnihna atana World Cup a khel lo tur erawh pawi ka tihpui hle. Football-ah hian hetiang hi a awm thei a, pawm mai loh chu tih theih a awm lo.” tiin a sawi.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427