Spotify-in artist 130 hnenah $Mtd 5 chuang theuh a sem chhuak

Spotify chuan nikum khan music industry rights neite hnen-ah $Billion 7 a semchhuak a, hei hi rimawi khawvela sum lut zaa 25% zet a tling pha.
Sum pekchhuah dan lang tlang taka kalpui zel tumnaah nikuma atanga kalpui compay enkawl, Loud And Clear website tarlan danin nikum khan $10,000 chuang lam hlawhchhuak artist mi 52,600 an awm. An zinga mi 130 phei chu thla 12 kalta chhung khan $Maktaduai 5 chuang an hlawh pha a ni.
Spotify hian artist hming leh an inrawlh dan te a hranpa in a tarlang lem lova, chutih rualin nikuma stream hlawh nasat ber te chu Bad Bunny, Taylor Swift, BTS, Drake leh Justin Bieber te an nih thu a puang a, hla mal khaia play nasat ber erawh Olivia Rodrigo hla chuam, ‘Drivers License’ a ni thung.
Nikum khan BTS hi biggest-selling act ni mah se, spotify hian figure chipchiar a dah-chhuak lem lo. Entirnan, Spotify katlanga royality $10,000 chuang lalut thei artist te hian record label leh publisher te chantur dahchhuah a nih meuh chuan $2000 vel bak chan an nei ngai lo.
Chumi awmzia chu member pasarih awmna BTS te hian $2000 hi a inzat theuhin an insem leh dawn a ni a, chan a lawi an nei meuh dawn lo, tihna a ni.
Hlaphuahtu te leh musician te hlei hlei an hlawh chhe angreng hle a, a tam zawk phei chu harsa taka nun khawhchhuah tuma bei tang tang te an ni nghe nghe.
Hetih lai hian nikuma $10,000 chuang hlawh thei artist za zela 28% te chuan an mahni hla ngei hmangin heng- TuneCore, Ditto, DistroKid leh CD Baby ah te hla upload-in, a hlawkna hi a bo bang awm lovin an ipte-ah a lut fai vek.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427