Tekin Miley Cyrus chuanna Thlawhna déng, Emergency-in tum

Zaithiam lar Miley Cyrus chuanna private plane chu nimin piah khan South America khawmualpui chunga a thlawh laia Tekin a den vangin rikrum thilah a \um nia hriat a ni.
Colombian khawpui Bogota-a show a neih zawh hnu ah tour kalpui chhunzawm zel tura a thlawhchhuahna lama thil thlengah hian Paraguay-a Asunscionici Festival chhim tura kal an ni a.
Ama private thlawhna ah hian cabin crew te bakah a thiante leh chhungte pawh an tel ve a, khawchhe takin hun eng emaw chen a tihbuai hnu-a Tekin a den zui leh tak vangin emergency-in an tum a ngai ta a ni ber.
Instagram-ah Miley chuan harsatna an tawh hnu ah an thlalak leh video te a dahchhuak a, vanneih-thlak taka hliam tuar an awm lo hlauh chu thil mak tawpkhawk a ni, a ti hial. Hlauthawng takin an awm hman.
Paraguay-a show neih tum chu thulh a ngai ta a, ruahman dan chuan vawiin lam hian Lollapaolooza, Brasil-ah a inlan theih beisei a ni.
“Ka fan te leh min ngaihtuah em emtute hnenah kan thil tawn sawilan ka duh a, kan thlawhnain beisei loh takin thlipui a hmachhawn a, Tekin a deng zui bawk a ni,” tiin Miley hian a sawi.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427