Chief secretary Dr. Renu Sharma-in Bairabi – Sairang rel ka- wng sial meka, Sairang leh Khamrang inkara hmalaknate Inrinni khan tlawhin a endik.
Dr. Renu Sharma chuan Bairabi – Sair- ang rel kawng sial mek ‘New BG line from Bairabi – Sai- rang’ chhunga Sai-0 rang leh Khamrang inkara hnathawh mek te chu Sairang zero point atanga fangin, a endik a. Khamrang thlenga – hmun hrang hranga leiverh (tunnel) te, lei dawh (brid- ge) innghahna tura a dona ‘Pier’ chhun mek leh chhun zawh tawh te, Khamrang leh Mualkhang bula lei dawh(bridge) chu- nga ‘superstructure’ thir a lei dawh rel mek, rel tlanna tur dawh mek te, hmun thenkhata rel tlanna tur track sial mek te leh Sairang leh Mualkhang a Rel station building sak mek te enin, Indian Railways atanga he hna viltu – Northeastern Frontier Railways a Deputy chief engineer (construction) Harjemal Meena leh Executive engineer (cont- ruction) Malay Baru- ah ten hmabak te drawing leh site plan te hmangin an hnath- awh an lo hrilhfiah a ni.
Chief secretary chuan he project hi Mizoram tan mai ni lo rampum huap pawha project pawimawh leh rotling a nih avangin hna tluang taka a kal a pawimawh thu a sawi a. Hnathawh chungchangah engemaw harsatna an tawh chuan rang taka state sorkara thuneitute hnena thlen vat thin turin Railway engineer he hna viltu te chu a chah.
Sorkar thuchhuahin a tarlan danin, Bairabi – Sairang rel kawng hi Broad gauge railway line tur a ni dawn a. RITES ten he rel kawng sial survey hna hi 2005 vel khan an zo fel a, sorkar laipuiin kum 2008-2009 ah hna sanction-in a tira estimate chu Rs. vaibelchhe 2384.34 a ni. Sum ngai tur te ennnawn niin, tunah chuan he rel kawng siam zawh nan hian Rs. vaibelchhe 6547 vel senral a ngai dawn nia chhut niin, kum 2015-ah tan niin, Railways engineer he hna viltute chuan November/December 2023 ah zawhfel beisei a nih thu an sawi.
Bairabi atanga intanin Sairang huam telin rel station pali a awm dawn a. Chungte chu Bairabi atanga a hlat zawng tehin, km 16.38 ah Hortoki Rel station; km 26.10 ah Kawnpui station; km 37.12 ah Mualkhang Rel station leh a tawpna km 51.38 ah Sairang Rel station (Sihmui chhak) a awm dawn a. Heng hmuna rel station building thenkhatte chu sak zawh thawkhat tawh a ni.
Sairang Rel station hi Terminal station – Coaches maintenance na tur a nih dawn avangin station dang 3 aia lian zawk tura buatsaih a ni a. Passenger ten Rel an lo channa tur platform 3 awm tura ruahman a ni a. Line 7 : Passenger line 3, Bungraw phur line 3 leh maintentance & Service line 1 lai a awm dawn a. Bungraw phur bik tan pawh Goods Platform siam a ni ang.
Bairabi Rel station leh Sairang Rel station inkar rel kawng thui zawng km 51.38 niin, lei lian (major bridge) 55 leh lei tenau (minor bridge) 87 a awm.
Bairabi leh Sairang inkarah hian hmun 32 ah lei verh (tunnel) a awm a, lei verh zawng zawng thui zawng belhkhawm km 12.63 a ni dawn a. Lei verh thui ber km 1.88 a thui a ni.
He project atan hian ram hectare 481.18 a zau an hman a ni a. Kolasib dist huamah forest ram hectare 38.94 a zau leh non-forest land mi- mal ram hectare 308.01 a zau leh Aizawl dist-ah forest ram hectare 35. 547 leh mimal ram he- ctare 98.595 zau an hmang a. zangnadaw- mna compensation Rs. vaibelchhe 840 vel ram neitute pek an nih tawh thu Railways lam chuan an sawi bawk.