Aizawl: AMC Ward XIX bialtu Councillor Baryl Vanneihsangi’n, “Politics hi eizawnna tur ni lovin, ram rawngbawlna tur a ni,” a ti.
Thentlang YMA hall-a ZPM Tuikum block buatsaih political training-ah he thu hi Inrinni khan Baryl Vanneihsangi chuan a sawi a. “Lawmman leh ropuinate zawng lovin ram leh hnam hmasawnna kan ngai pawimawh zawk tur a ni a, kan ramin ‘social and moral reform’ kan mamawh a, chumi thlen tur chuan mi mal tinte kan pawimawh a ni,” a ti.
Baryl Vanneihsangi chuan “|anrual hi chakna a ni a, kan ram leh hnam dinchhuahna turin lungrual taka Pathian malsawm tlaka ṭangrual turin kan in chah a ni,” a ti bawk.
Thentlanga ZPM political training-ah hian ZPM party general secretary Phairothanga pawhin thu sawiin, “Sorkar kan hrawn mek leh kan hrawn tawh ten kohhran leh tlawmngai pawlte duh dan an zawm tawk lo,” a ti a. “Kohhran chuan a dikte, a \hate leh a zahawmte an duh \hin a, tlawmngai pawlte hian hmuh theih hmasawnna aiin chhungril nun siam \hat hi an ngai pawimawh \hin,” tiin ZPM an sorkar chuan kohhran leh tlawmngai pawlte duh dan theihtawpa tihhlawhtlin dan an ngaihtuah dawn niin a sawi bawk a ni.