Aizawl: Social Welfare Minister Dr K Beichhua chuan ram leh hnam hmasawnna kawnga naupang leh \halaite zirtirna \ha pek a pawimawh thu a sawi.
Lunglei Pukpuia Observation Home & Special Home nimina hawnna inkhawm neihah thu sawiin Dr K Beichhua hian, naupang thurawn \ha pek tam lohna ram chu ram vanduai an nih thu a sawi a. “Naupang zirtirna \ha pek chu kan ram tana pawimawh a ni,” a ti.
Social Welfare Minister hian, “‘Observation home-a naupang enkawl mekte chu an va tlem ve? In hlawhchham em ta em ni?’ in ti mai thei; amaherawhchu, hei hi thil lawmawm tak a ni a, Pathian hnena lawmthu sawi tur kan ni zawk,” tiin a sawi.
Observation home thar – Siaha, Champhai, Lawngtlai, Mamit leh Serchhip atante work order tihchhuah a nih tawh thu leh hna \an thuai a nih tur thu a sawi bawk.
Lunglei Observation Home & Special Home hawn thar hi mi 50 awm theihna tura ruahman a ni. Tunah hian naupang kumtlinglo panga an awm mek a, observation home-ah mi pahnih awmin, special home-ah mi pathum an awm mek a ni.
Observation & Special Home sakna atan hian NEC a\angin Rs nuai 422.72 hmuh a\anga sak a ni a. Lushai Engineers Pvt Ltd ten a sak hna an thawk a, July, 2018 khan hna thawh \an a ni a, December, 2020-ah zawh a ni.
Lunglei Observation Home & Special Home project hian khum 17 awmna Boys Home, khum 17 awmna Boys Special Home te, school building, thawktute awmna quarters, administrative building, duty post leh fencing metre 270-a sei leh metre 5-a sang te a tel a ni.
Observation home hawnna inkhawm hi Women & Child Development Department Joint Director Zoramthangi Chhangte-in a kaihruai a, High Powered Committee, Lunglei Vice-Chairman Lawmawm Tochhawng, MYC Chairman Dr Vanlal\anpuia leh Lunglei DC Kulothungan A, IAS ten an telpui.
Nimin vek khan Social Welfare Minister Dr. K. Beichhua chuan hmeichhia pasalte kut tuar emaw, harsatna neite emaw tlan luhna hmun tur, One Stop Centre, Lunglei Serkawnah a hawng nghal bawk a ni.