SS Rajamouli fllm hit, ‘RRR’ tlangzarh a ni chungin Anupam Kher channa, ‘The Kashmir Files’ chuan box offfce lamah huang a zauh na tial tial reng a, tih-chhuah atanga kar thumnaah cheng vaibelchhe 250 club-ah a lut dawn hnai ta.
The Kashmir Files hian budget tam taka siam heng- Sooryavanshi, Spider-Man: No Way Home leh 83 te chu a lehpel nghal zar zar a, hripui len hnu lama India-a tihchhuah tawhah chuan a la hit ber awm e. Critic lam pawhin sawi nep ngaihna an hre lo a ni ber. Cinema hall lama an pan zut zut mai.
The Kashmir Files’ film hi 1990 kuma Kashmir Pandit suatna lama hawi tarlanna a ni a, Kashmir Pandit te thil tawn leh an chunga thil thleng te pholanna niin, 1989 kuma Kashmir-a Islamic Jihad thlpui vung taka thleh khan mi cheng tam zawk Hindu te chu a umchhuak ta a ni.
Zirchianna ah chuan Kashmir tlanchhiahsan Kashmiri Pandit te hi mi nuai khat chuang an ni a, February leh March 1990 khan an In leh lo an tlansan.
‘The Kashmir Flies’ hi March 11 khan ramchhunga tlangzarh niin, sawi hat a tling nghal a, politics-a inbeihna leh inchirh thehnain umzui nghalin, tunlaia ramchhunga chai hlawh tak a tling pha.