Abu Majumdar leh Kamrula ten kan sorkarah a hmawr tê pawh an khawih phak lo : Zoramthanga

MNF President Zoramthanga’n nimin chhun khan Mizo Hnam Rûn, Lunglei-ah thu sawiin Abu Majumdar leh Kamrula te pahnihin an sorkarah a hmawr tê pawh an khawih phak lo tih a sawi.
MNF party mipuite hmaah thu sawiin chief minister ni bawk, Zoramthanga chuan MNF thlipui tleh mek karah eptu lam hian sawi chhiatna tur an hriat loh thu a sawi a. “Sawisel hram min duh avangin keini pawhin kan hriat mang loh, Congress sorkar hun a\anga an contractor leh supplier, Abu Majumdar leh Kamrula tih vel mai mai hmangin min bei a. He mite pahnih hian kan sorkarah a hmawr tê pawh an khawih phak lo a ni. Heng vel mai mai bak min sawina tur hi an hre lo,” a ti.
Sorkar flagship programme, SEDP chungchang sawiin MNF president hian, “‘SEDP an sem thei lo ang,’ min ti a, kan sem dawn si a, kan sem tak tak ang tih an hlau leh a. ‘Cheng nuai thum an intiam a, cheng nuai thum-in sem an tum lo,’ min ti leh a, a nuihzatthlak ngawt mai,” a ti bawk.
Tunah hian a thawh khat nan cheng sing ngain an pek tur thu te, a thawh hnihna leh thawh thumna awm zel tur thu leh a \ul chuan cheng nuai thum aia tam pawh an pek tur thu a sawi a. SEPD hi vawi khatah cheng nuai thuma sem tur tia an sawi loh thu a sawi.
Nimin zing vek khan Chief Minister Zoramthanga hian Thenzawl a tlawh a. Serchhip District Additional DC Lalmuansanga Ralte, Serchhip SP Stephen Lalrinawma, Thenzawl SDO Civil Priyank Kishore bakah Thenzawl khawtlang hruaitu, Serchhip West Block MNF hruaituten an lo dawngsawng a ni.
Thenzawlah hian khawtlang hruaituten chief minister hi lo kawmin Thenzawl-a RD Block dah âwm an tih thu leh dah a nih chuan Thenzawl leh a chhehvel mipuiten \angkai taka an chhawr tur thu an sawipui a, Thenzawla RD Block dah tura ngenna ziakin an lo thlen bawk.
Hei bakah Block MNF Party hruaituten Mizo Hnam Rûn sak an duh thu an thlen chu, Chief Minister chuan a sakna tur hmun lo thlithlai a, hma lo la turin a hrilh a ni.
Chief Minister Zoramthanga hian Thenzawl Venghlun-a Tourist Lodge-ah tuk\huan a ei a, hemi hnu hian Lunglei panin Mizo Hnam Rûn-ah party mipuite hmaah thu a sawi a. Nimin vek khan Tlabung a pan nghal a ni.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427