Ivory Coast winger Nicolas Pepe chuan Arsenal-ah season harsa a hmang mek tih a zep lova, tun nipuiah club chhuahsan mai pawh a tan duhthlan tur awm a ni tih a sawi.
Kum 2019 August thla a Lille a\anga club chanchin a player manto ber ni tura Pound maktaduai 72 a an lakluh hnuah Pepe lakah Emirates Stadium-ah beiseina a sang hle a. A hunlaia lalut turin Gunners in club dangte nena intlansiaknaah an hlawhtling a, an lawm hman viau.
Mahse beisei angin Pepe-a’n London hmar lamah hun a hmang lova, Premier League-ah tun season-ah match nga chiah bul a \an.
Hei vang hian club chhuahsan mai tur anga sawi thawm a awm a, hemi chungchang hi Thawhlehni khan Pepe-a’n a sawi zui a.
“Tun season khar \hatah ka rilru ka seng a, club in a tum Champions League khelh phak chu tih hlawhtlin ngei ka duh a, chuan a bak chu kan ngaihtuah ang.”
“Tu player mahin inkhelh loh hi nuam an ti lova, mahse coach thutlukna hi kan zah a ngai. Team in hnehna a chan zel chuan coach tan pawh thil thlak danglam vak a har a, Mikel-a’n engkim min hrilhfiah a, inkhel tam tur chuan training-ah rim zawka ka beih pawh a ngai.” a ti a.
“Coach in ka thawhrim dan a hria a, ka rilru pawh a hria. |awng hi harsatna awm pakhat a ni bawk a, inpawh tak tak a har ve deuh. Ka tan season harsa a ni.” tiin a dinhmun chungchang a sawi.