16th Mizoram Open Taekwondo Championship nei tan

Ni 3 awh tur Mizoram Amateur Taekwondo Association buatsaih Mizoram Open Taekwondo Championship vawi 16-na chu Nilaini khan Everester David Zohmangaiha, AMC Ward XVII Councillor chuan a hawng.
David Zohmangaiha chuan infiammite hnenah hlawhtlinna neih a awlsam lohzia a sawi a. “Mi bikte tan a ni a, mahse a neitu bik tur siamsa erawh a awm lo.” a ti.
State mai bakah ram tana medal hlawh chhuah ngei tum turin a fuih zui a. Thil tum tihlawhtling turin inthununna, tawrhchhelna leh dawhtheihna neih a \ul zia sawiin Everest lawnchhuak tura tichaktu ber a nih thu a tawnhriat a sawi bawk.
Championship hawnna inkhawm hi VL Sawma, Senior Vice President MATA in a kaihruai a, MATA General Secretary Joseph Thansangan Championship buatsaih a nih dan kimchang takin a report.
He hunah hian MATA member pathum boral ta te Lalengliana, Serchhip DATA, Christy Vanlalhmangaihi, ATA Electric Veng player leh Vanlalpeka, RSC player, Lawngtlai khua te sunna neih a ni.
He Champoinship hi Inelna Age Category hrang hrang 4 ah \hen a ni a. District hrang hrang a\angin team 13 atangin player 219 an tel.
Championship neih chhungin bout 156 khelh a ni ang a. National leh State Referee 20 ten an endik ang.
Category tina point hmu sang pahnih hnenah Team Champion leh Runners up lawman pek an ni ang a.
Mipa leh hmeichhe Best Fighter thlan a ni dawn bawk a. Fighter \ha ber lawmman hi team tin coach ten an thlang dawn a ni.
Championship inbuatsaih nan MATA chuan March ni 28 leh 29 khan MATA Hallah 30th State Referee Seminar a buatsaih.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427