Covid-19: Assam-a nu leh pa thihsan naupang tan thla tin Rs. 3,500

Assam state sorkar chuan Covid-19 avanga nu leh leh pa chân naupangte chhawmdawl nan thla tin Rs. 3,500 zel a pe dawn tih a puang.
Covid-19 vanga nu leh pa thihsan naupangte chhawmdawlna tur scheme, Mukhyamantri Sishu Sewa Achoni hi Inrinni khan Chief Minister Himanta Biswa Sarma chuan a puang.
Nu leh pa thihsan, an chhungte dangin an enkawl zui naupangte hi thla tin Rs 3,500 zel pein an chhawldawn ang.
Naupang kum 10 hnuai lam, chhungte enkawl zuitu tur nei lote chu awmna tur ngaihtuahsakin child care institution-ah an dah ang a, zirna tha tak an dawn theih nan a pui bawk ang.
Sarma chuan hmeichhe naupang thang lai, an nu leh paten hri leng avanga an thihsante zirna tha awm nghalna, Kasturba Gandhi Balika Vidyalaya ang chi-ah an dah ang a, an himna tur leh tha taka an than theih nan sorkarin a pui dawn tih a sawi bawk.
Pasal nei rual tawh hmeichhia, an nu leh paten an kalsante pawh Assam sorkar hian Arundhati Gold scheme hnuaiah rangkachak tola khat bakah Rs 50,000-in tum khat a pui bawk ang.
Chief minister hian sikul leh college kal lai naupang, an nu leh paten an thihsante chu an zirna atana pawimawh, laptop/tablet an ngaihtuahsak dawn tih a sawi bawk.

Tripura sorkar pawh che chhuak

Covid-19 vanga nu leh pa chân naupangte tan Tripura state sorkar pawh a che chhuak ve nghal a, Assam ang bawkin thla tin R. 3,500 an pe dawn a, kum 18 an tlin hma zawng an pe ang a, sikul an kal chhung zawng a thlawnin an ti vek bawk ang. Chief Minister Biplab Deb chuan naupangte chhawmdawlna tur, Mukhya Mantri Balya Seva Prakalpa hi Inrinni khan a puang a, an state-ah Covid-19 vanga nu leh pa chân naupang awm zat an hriat mai rih loh thu leh sorkarin survey a nei thuai dawn tih a sawi. Hmeichhe naupang bik chu college an kal chhuahah, pasal an neih dawnah Rs. 50,000-in tanpuina an pe ang a, Class X board examination dawnah laptop an pe vek bawk ang.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427