Mizoram Football Association hnuaia cup inelna ngaihhlut GIG Motors 20th MFA Cup chu a ni hnihna Keifang Centenary Football Ground-ah an khel a. Nilaini hian match li a awm.
Group D-ah Lunglei District aiawh Chanmari FC in inkhel hmasa berah Khawzawl FC chu 5-1 in an hneh a. Chanmari tabn Samuel Lalramchhana chuan goal thum khungin PC lalhruaisanga leh John KL Lalfamkima ten goal khat ve ve an khung.
Group C-ah FC Serchhip Kawnpui leh Hnahthial team Electric FC te an inkhel leh a. Goal kua luhna inkhelah Serchhip Kawnpui 5-4 in an chak.
Serchhip Kawnpui tan Malsawmtluanga Tochhawng chuan goal hnih khungin Vanlalrinpuia, John Lalmuanpuia leh Dennis Lalhruaitluanga ten goal dang an khung a. Lehlamah Electric FC tan Jeremy Laldinpuia chuan goal hnih a khung a, Lalrintluanga leh Rorelliana ten goal khat ve ve an khung.
Inkhel vawi thumnaah Group A a\ang Kolasib team Saidan GSA leh Thawhlehni a inkhel tawh Saitual FC an khel a. 2-2 in an inhnehtawk.
Saitual in Lalhminghlua hmangin \um hnih hma hruai mahse an hum thei lova. Kanan FC leh Saidan GSA inkhel a chak zawkin semi-final an lut ang.
Group B a\anga tling chiang thei Mamit team Luangpawl FC chu 3-1 in Champhai team FC Vengthlang North in an hneh ve bawk.
Vawiin inkhel tur:
9:00 AM
Siaha FC vs FC Serchhip
(Siaha) Kawnpui
(Serchhip)
11:00 AM
Kanan FC vs Saidan GSA
(Aizawl) (Kolasib)
1:00 PM
Lawngtlai FC vs FC Vengthlang
(Lawngtlai) North
(Champhai)
3:00 PM
Chanmari vs Khawzawl FC
(Lunglei) (Khawzawl)