Senegal thiampuipa Sadio Mane chuan an ram in 2022 World Cup khel tura an tlinna tur penalty a pet goal a. Liverpool tana a khelhpui Mohamed Salah erawhin a pet goal lo thung a, penalty shootout-ah Senegal in Egypt an hneh.
Senegal a Stade Me Abdoulaye Wade-ah African qualifier playoff round second leg khelh a ni a. Africa Cup of Nations final a intum ram pahnihte bawk insu lehin Senegal chu a lawm zawkah an \ang.
Vawi hnih an inkhelh chhungin ram pahnihte hi 1-1 aggregate in an inhnehtawk a, a tawpah erawh Senegal an lawm laiin khawvela player \ha ber zing ami Salah hmel World Cup-ah kan hmu dawn lo.
Mipui 50,000 lenna stadium thar a inkhelah hian Senegal tan Boulaye Dia chuan goal a khung nghal thuai a. First leg-a an tlawm hnuah 1-1 in aggregate-ah an inhnehtawk chiah.
Penalty hmanga chak zawk zawnnaah pet hmasa pali in an khung lova. Egypt goalkeeper leh penalty pet turte chu entu lam a\angin laser eng in an hmaiah chhun a ni \hin a, hei hian sawi zui a hlawh hle.
Senegal goalkeeper Edouard Mendy chuan Mostafa Mohamed dansakin 2-1 a nih hnuah Mane-a’n an chakna penalty a khung.
Senegal coach Aliou Cisse chuan, “Match hnih chhung a nih bakah inkhel hautak tak nimahsela a tawp thleng \ang tluan tura harsatna kan neih ka hlauthawng ngai lo. Champions League chawi tawh player-te kan nei hlawm a, chuvangin ka hlauthawng lo hrim hrim.” tiin an chak hnuah a sawi.
Tunge midang tling?
Inkhel dangah Ghana chuan Nigeria away goal in an hneh a. Abuja-ah 1-1 in an inhnehtawk a, inkhel hmasa zawkah an mualah goal a luh loh avangin an tling.
Cameroon pawhin an ram chanchin a vawi 8 nan World Cup an khel dawn a, 1-0 a an hniam zawk hnuah Eric Maxim Choupo-Moting chuan a sut a, Ahmed Touba chuan extra time-ah goal khungin away goal bawkin an chak zawk a. Africa ram zingah World Cup finals khel ngun ber an ni dawn.