Portugal in 2022 World Cup finals an khel dawn a. North Macedonia lakah Bruno Fernandes-a goal hnih khung hmangin 2-0 in hnehna an chang.
Estádio do Dragão-ah Portugal tan Manchester United midfielder chuan halftime hma leh hnuah goal a khung a. 2016 European Champion te hian a zawna vawi ruk nan World Cup finals khel turin an tling a. Kum 20 chhung international inelna lian an la hmaih lo.
Group A-ah November thla khan an rama inkhel hnuhnung berah Serbia laka an tlawm avangin playoffs an khelh a ngai a. Italy veltu North Macedonia lakah erawh an buai lo.
“Kan tum kan hlenna a nih avangin he hnehna hi ka tan a pawimawh reng dawn, tun aia khelh \hat chu kan nei ngei a, mahse World Cup kan kalna a nih dawn avangin a pawimawh a ni.” Fernandes chuan a ti.
Thawhlehni zana Playoff inkhel dangah Poland pawhin Qatar pan turin an tling a. 2-0 in Sweden an hneh.
Silesian Stadium-ah Poland tan Robert Lewandowski leh Piotr Zielinski ten goal an khung.