Khuangpu Taylor Hawkins thih hnu lawkah Foo Fighters ‘Greatest Hits’ album chu UK albums chart top 5 ah a kai.
Khuangpu thihna kal zelah kumina tour an neih tur leh hmachhawn zawng zawng chu an thulh fai nghal vek tih an puang.
‘Greatest Hits’ hi band album pahnih, ‘Echoes, Silence, Patience & Grace’ (2007) leh ‘Wasting Light’ (2011) inkara an tihchhuah kha a ni a, March 25 zana kum 50 mi nia Taylor a thih khan an hla ngaihthlak leh enzui a hlawh thar.
Taylor Hawkins hi Bogota, Colombia-a an thlenna hotel room-ah hmuh a ni a, he khawpuia show ngan tak nei tura an inbuatsaih lai meka vanduaina thleng a ni a.
South American tour an neih kal zelah an khuangpuin a peihlo san.
Toxicoloty report hmasa lamah a taksa peng hrang hrangah damdawi- Opiates, antidepresssants leh marijuana te hmuh a ni.
Foo Fighter band a zawm hmain Dave hi Alani Morissette tan drums a vaw thin a, hetah pawh hian hming a chher tawh.
Kum 2001 daih tawh khan London-a an zin tumin Dave hi a OD thut mai a, kar hnih lai chu nikhaw hre lovin a awm. Hemi chungchang hi 2018 khan sawichhuakin, khata tang khan a nun a inthlak thleng hlawk nghal, a ti.