Mumbai police te chuan Goregaon-a inkhuar sumdawng pakhat chu Bollywood actor Rimi Sen laka cheng vaibelchhe 4.14 bumchhuahnaah thubuai an siamsak.
Rimi Sen-i’n thubuai a thehluhah Raunak Jatin Vyas hian investment thil pakhatah a bum niin, a sawi a, tunah hian Khar Police Station, Mumbai-ah FIR thehluh ni tawhin, thil awmzia chhui nghal a ni.
Actor sawi zel danin, kum thum liam ta khan Vyas nen hian Andherei-a gym pakhatah an intawng a, thian an ni zui nghal. Sumdawng anga inchhal Vyas hian Sen chu a hlawknka tam tham tak awm turah sum peipung ve turin a ti a, hemi hnu hian a phut ang sum thahnem tak vawmlutin, a hnu-ah erawh bum a tawk tih leh Vyas hian company thar a buaipui lo, tih a hre nghal.
Vyas hi IPC section 420 leh 409 hnuaiah thubuai siamsak niin, chanchin buatsaih lai hian man chhuah ngei tumin police te’n an zawng tawh.
Rimi Sen hi Hindi, Bengali leh Telegu film-ah te inlanin, film lar- Dhoom, Garam Masala, Phir Hera Pheri, Kyun Ki, Golmaal, Baghban lehHungama ah te a chanvo hneh takin a hlenchhuak.
Kum 2015 khan Salman Khan buaipui reality TV show lar, ‘Big Boss’ ah a tel bawk.