United States Men’s National Team leh Mexico te chuan Qatar a World Cup khel turin an mamawh ang result an nei a. CONCACAF qualifying-ah pathumna leh pahnihna hauh chiangin Qatar an pan dawn.
USA hian Ningani zinga Costa Rica nen an inkhelah hian goal ruka an tlawm loh chuan an tling dawn chiang a. Costa Rica hian 2-0 in Gregg Berhalter-a pawlte hi an hneh.
Estadio Nacional de Costa Rica a inkhelah second half-ah Juan Vargas leh Anthony Contreras ten minute riat inkarah goal hnih an khung a, mahse khung belh thei lovin USA an \ang tluan.
Costa Rica hi palina an ni a, Intercontinental playoff-ah New Zealand nen an inkhel ve leh ang.
USA star player Christian Pulisic chuan, “He team hi ka chhuang hle. Tlawm duh ngai lo ka nih avangin kan tlawm hi ka lawm lo, mahse World Cup khel tura kan tling hi ka chhuang hle a, rilru a a thawh dan erawh a dang deuh. World Cup a tling tura kan paltlangte a namai lo hle.” a ti a.
Russia a World Cup khel tura an tlin loh hnuah USA in World Cup an khel dawn.
Mexico in an chak kara beisei ang lo tak result an neih leh \hin hnuah pahnihna dinhmun an hauh chiang a. Kum 1994 hnuah World Cup a awm apiangin an la tel ziah dawn tihna a ni.
Azteca Stadium-ah El Salvador an mikhual a, first half-ah Uriel Antuna chuan goal hmasa khungin penalty a\angin striker Raul Jiminez chuan an goal hnihna a khung.
Tling chiang tawh Canada in an player langsar lo zawkte chhawrin 1-0 in Panama an hneh lova, Jamaica in Honduras 2-1 in an hneh ve thung.