Mizorama kawlphetha harsatna sut kian dan tur union minister sawipui

Aizawl: New Delhi-a sorkar laipui dawra cham mek, Mizoram Larsap Dr Hari Babu Kambhampati chuan nimin khan Union Power Minister RK Singh chu a pisa-ah a kawm a. Kawlphetha avanga Mizoramin harsatna a tawh mek sutkian a nih theih dan a sawipui.
Union minister nena an inkawmnaah hian larsap chuan Mizoramah kawlpetha avanga harsatna a awm mek chhan hrang hrang leh sutkian a nih theihna tura hna thawh hmasak \ul laite a thlen.
Hei bakah hian electric ban lian leh hruipui thlun belh chungchang te, hydel electricity project thar siam belh \ulnate bakah ni zung chakna hmanga kawlphetha tam zawk siam dan turte pawh an sawi dun bawk.
Larsap Kambhampati chuan Mizoram sorkar hnuaia P&E dept-in project pawimawh zual sorkar laipuia a theh luh tawhte chu kalpui a nih thuai theih nan sanction thuai mamawh a nih dan te, Mizoram chhunga lui luang chakna hmanga kawlphetha tam tham tak siam theih a nih chungchangte leh kawlphetha avanga state harsatnate sutkian dante ngaihtuahpui turin union minister chu Mizoram tlawha zin turin a sawm.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427