Aizawl : Aizawl West III bialtu MLA VL Zaithanzama’n a biala MLA fund hma- nga hnathawhte nimin khan tlawhin, hma thar lakna tura veng hrang hrangin ruahmanna an neihte a enpui a. Aiz- awl khawpui tui tlan ber Tlawng lui pawhtu Vai lui leh Tuikual luite tihfaia humhalh a tul thu a sawi.
VL Zaithanzama chuan “Aizawl tui tlan ber Tlawng lui pawhtu Vai lui leh Tuikual luite hi khawpui thli luankhawmna an ni a, a thlang lawk atanga kan tui in tur pump chhoh a nih avangin humhalh leh tihfai te an ngai tawh hle” a ti a. “Sor- kar hotute pawhin hma an lak ran a ngai” tiin, lui humhalh tur hian a bulhnai veng te pawh an inhuamin hmalak an duh hle niin a sawi.
Aizawl West III bialtu MLA hian Bu- ngkawn Vengthar leh Maubawk-a MLA fund a hnathawh tawh leh hmathar lakna tura ruahman te a enpui a. A bialah veng a tam ava- ngin development fund atan sanction siam tam theih a nih loh thu leh chuti chunga veng tinin an sum hmuh ang angte hmanga tha taka hna an thawh theih avanga lawmawm a tih thu a sawi bawk.