Formula 1 chuan nakkum a\angin USA-ah intlansiak pathum a huaihawt tawh dawn a. Las Vegas Grand Prix buatsaih turin inremna an nei.
Las Vegas a intlansiakna tur hi ‘street circuit’ a ni dawn a, F1 calendar a intlansiak \henkhat awm tawhte angin khawchhung kawngah an tlan tel dawn.
Kilometre 6.1 a sei tlankawng an duan turah hian Vegas khawpui a kawtthler lar tak ‘Las Vegas Strip’ pawh a tel ang.
Las Vegas Grand Prix hi Inrinni zanah an tlan dawn a, India ramah chuan Pathianni chhun dar 11:30-ah kan en thei ang.
US-ah hian Austin, Texas-ah US Grand Prix an tlan \hin a, kumin May thla hian a vawikhatna atan Miami-ah intlansiak an nei dawn bawk.
Kum 2017 a F1 neitu nihna leitu Liberty Media in inzarpharh zel an tumna zinga tel a ni a. America-ah F1 vawrh lar zual an tum.
F1 president Stefano Domenicali chuan, “US-ah intlansiak pathum kan nei tur hi F1 tan thil ropui tak a ni, kan infiamna hi nasa takin a \hang tih tilangtu a ni.” a ti.
Vegas khawpui leh F1 hian kum thum daih contract an ziak phawt a, pawhsei zel theih a la ni thung.