Mizoram chhunga Cooperative Society hrang hrangte chuan cooperative hruaituten office bearer term hnih bak an chelh thei lo tia dana inziak chu duh loin, dan siam thar a nih theih nan hmalak zel an tum.
Mizoram chhunga co-operative society hrang hrangte inthlunkhawmna, Mizoram Cooperative |angrual Pawl (MC|P) hruaitute chu nimin khan Apex Bank Head Office, Aizawl-ah an \hukhawm a, Mizoram Cooperative Society Act No. 54 chungchang an sawiho a, democracy ramah member-ten an thlan apiang hruaitu an nih theih laia he danah office bearer term hnih bak an chelh thei lo tih inziak chu tihdanglam an duh tih an sawi.
He \hutkhawma an tar lan danin state level society zawng zawngte pawhin he dan siam hi an duh lo a, an general assembly \heuhah siam thar an lo rel tawh a, hemi bawhzui hian Cooperative Societies registrar hnenah ngenna an lo thlen tawh.
An ngenna thlen hian ngaih pawimawh a hlawh tawk loah MC|P hruaitute \hukhawm chuan an ngai a, he dan siam \hatna turin hmalakna kalpui zel an rel a ni.
MC|P thutkhawm chuan Cooperative Societies registrar-in Siaha district chhunga cooperative society-te Mizoram hmun danga share an nei theih loh thu hriattirna a chhuah chu hnuh kir an phut bawk a ni.
An tar lan danin, tun hnai khan Cooperative Societies registrar-in state level society zawng zawngte hnenah siaha district chhunga cooperative society-ten an hnena share an lei pe kir turin hriattirna a tichhuak.
Hei hi MC|P chuan dodalin Siaha district chu Mizoram chhunga mi a nih laia he district-a cooperative society-ten Mizoram hmun danga share an nei thei lo tura ruahmanna siam chu an hriatthiam loh thu an sawi a ni.