Assam khawpui, Guwahati-a Pandu Market-ah nizan hmasa leh nimin tuk thleng khan kangmei nasa tak chhuakin dawr 14 lai a kang ral vek.
Dawr kang chhiaa bungraw kang chhe zawng zawng hi cheng vaibelchhe tam tak man hu ni tura ngaih a ni a, mihring thi leh hliam an awm lo hlauh thung.
Khawpui chhunga fire station hrang hranga kangthelh pawl mi eng emaw zatin darkar khat chuang an thelh hnuah nimin tuk khan an thelh mit thei chauh.
Police chuan dawr 14 a kang tih sawiin heng zinga pakua phei chu engmah laktlak awm lovin a chhe vek niin an sawi.
Kang chhe zinga tel pakhat, whole seller dawr, Deb Paan Store neitu, Piyush Deb chuan atan chuan a dawr chân chu a rapthlakin chhiatna lian tak a nih thu a sawi.
“Ka chân nasa hle a, ka retailer-te tan bungrua ka chhek a, Rs Nuai 30 man vel chu a chhe vek a ni,” tiin Deb hian a sawi.
Police-te chuan kangmei a chhuah chhan hi electrict short circuit vang a nih an ring.