Aizawl: Mizorama oil palm rah hralhna man bithliahtu committee chuan oil palm rah hralhna chu a let thuakin a tipung.
Oil palm rah hralhna man bithliahtu, Price Fixation Committee on Oil Palm, Fresh Fruit Bunches chu nimin khan an \hukhawm a, oil palm chingtu aiawhten harsatna hrang hrang an tawhte leh oil palm rah hralhna rate hman mek kg khatah Rs. 5.50 chu tihsan hun hlea an hriat tawh thu leh oil palm rah leitu company atangin Godrej Agrovet Ltd. leh Ruchi Soya Industries Ltd. ten oil palm rah an lei chungchanga harsatna an tawhte an sawi bawk.
|hutkhawmah hian oil palm rah hralhna rate hman mek chu April 1 a\anga hman \an turin kg khatah Rs. 10-a tihsan nise an ti a, tuna rate thar hi India sorkarin viability price a kalpui hma a hman tura tih a ni.
Mizoramah oil palm hi a \ha duh hle a, nikum 2021-2022 chhung khan khaw 111 a\angin oil palm chingtuten company-te hnenah oil palm rah metric tonne 5,254, Rs 2,89,00,000 man an hralh a ni.
Rate thar hman a nih hnu hian oil palm rah thar chhuah pawh nasa taka a pun phah beisei a ni tih meeting-ah hian tar lan a ni.
He \hutkhawmah hian district hrang hranga oil palm chingtu aiawh, company aiawh leh state sorkar aiawhin agriculture dept. leh finance dept. aiawhte an tel a ni.