Sumhmun Titi – 12

  • F. Vanlalrochana

MIPUITE MAMAWH vrs MIPUITE HRIAT CHÂK ZAWNG

Mihringte hian hriat chak zawng kan nei ve hrim hrim a. Chung chu kan tana \angkai a ni kher lo bawk!

Mihringte bengzatna hi khawvel thila finna emaw, thlarau lama thanna emaw, a ni vak lo fo. A tukah engmah ni tawh lo tur chanchinah hian kan buai nasa \hin.

Tunah phei chuan social media hrang hrang kaltlangin sum a lak luh theih a. Hengah hian ngaithlatu, thlirtu, chhiartu ngah duh avanga thu dik a nih leh nih loh finfiah lohte, thudik a ni lo ang tih hriatreng pawh pholan hreh lo mai ni lo phur em em kan ngah thin. Hengte hi mizo hnam \han zelna atana thil \ha a ni lo.

Hnam \hang mek kan ni a. Chuta tana tangkai lo chu mipuite a fah vak hi thil \ha ber a ni lo.

Traditional media emaw, social Mediaa inhmangte pawhin chu chu an hriat angai a. Mipuite ngaihven zawng hi kan siam sak, kawihher sak thei a. Chu chu kan hnam \han zelna atan a \ul hle.

Khawvel hian thil chi hrang hrang min hlui dawn. Mizo \awng bak chhiar lo leh ngaithla lo te chhiar tur leh ngaihthlak tur hi kan uluk a \ul hle.

Mi duhzawng hi kan siam sakin kan kaihhruai thei a. Hnam tana \ha tur zawnga mi duhzawng siam hi kan mawhphurhna a ni tih i hria ang u.

UPA KAWLTUKHUMA, REV. VANLALNGHAKA PA

ZEF Zaipawl kha 1973 August thlaa ding tan a ni a. 1975-ah Zaipawl leader thar an nei a, Tv. Vanlalnghaka a ni. A pa chu Kulikawn kohhran upa, Upa Kawltukhuma a ni. A hnuah chuan Rev. Dr. Vanlalnghaka tia kan hriat zui tak hi a ni. Upa Kawltukhuma kha mi taima leh tumruh a ni a. Chhawrtui khawchhuak a ni a. Chhawrtui atangin Aizawlah Puan \hui zir turin a chhuk a. Kulikawnah a in beng bel zui a. Kulikawn nula Vanlalrengi nen inneiin, fa pali an nei. Nghaka hi a tlum ber a ni.

1975 kum tawp lam atangin Nghaka leh Zaipawl te chuan Mizoram an chhuahsan tan a. USA leh Canada te pawh an kal zui ta zel a. Zaipawl member tam tak a rem chan tawh loh hnuah pawh mi pa 6 emaw lek lek pawha kalte pawh an nei chho ta zel a.

ZEF zaipawl member hmasate kha Aizawl veng hrang hrang ami an ni a. Zanah hla an zir ber a. Ke veka kal ngai a la ni. An hla zirnaah hian an hla sak tur an zir ngawr ngawr lo a. Solfa zirna leh sharing tein hun an hmang tel bawk \hin.

Ram pawna an chhuah \um khan, Rev. Vanlalnghaka pa, Upa Kawltukhuma khan a la damlai kha chuan tar tawh tak a ni chung khan Zaipawl member te chhungte, Aizawl hmun hrang hranga mite kha a lo tlawh chhuak vek thin a. A lo thlamuanin a lo va kawm a. |awng\aitein hun a lo hmang kual \hin a ni.

Rev. Vanlalnghaka pa, Upa Kawltukhuma thiltih \hin hi a chhinchhiah tlakin rilru a khawih khawp mai. Kohhran upa tih awm reng, ram pawna thuhrila chhuak thei fapa neitu tih awm reng a ni. ZEF zaipawlte chu sawi loha lum nise, Rev. Vanlalnghaka, heti khawpa rawngbawlna kawnga a hlawhtling leh a chhuanawm hi thil mak a lo ni hauh lo.

SHERLOCK HOLMES

1990 chho vel khan Ruantlanga Pi Thangluaii te inah Sherlock Holmes mizo \awnga lehlin hi ka chhiar \hin a. Ka chhiar chhuak vek hmanin ka hria. High School kan kal chhoh khan, pocket money ka khawl a. Bu li nga vel chu ka lei ve leh awm e. College-ah khan, ka pawisa khawlin The Complete Works of Sherlock holmes tih ka lei a. Chu chu a bu kima ka neih hmasak ber a ni. 8.02.2014-ah khan, Dr. Lalsangzuala Tochhawng (Hnapchipuks Tochhawng-a) nen Lehkhabu dawra kan kalin a bu kim hi kan hmu a. Haw dawnah ka lei a, mizo tawnga a bu kima ka neih hmasak berna a ni awm e. Hei, he thu ka ziah (27.03.2022) hi chuan, bu thum emaw lai a lo bo a. Heng a bo tate hi lei leh ngei chu angai dawn a ni.

Sap \awng thiam em em lo mah ila, sap thawnthu lehlin tam tak hi chu a mizo tawng aiin a sap version pangai hi ngaihnawm ka ti daih mai a. Sherlock Holmes erawh hi chu a mizo \awng hi ngaihnawm ka ti daih zawk mai.

Sherlock Holmes-a chu, “A hnar mupui hmui ang, a khabe dawh de daw leh nghet tlut mai” (A study in scarlet) tih a ni a, Film leh Tv seriala an siam hmasak ho chu Sherlock Holmes nih duh hmel em em mai an ni hlawm a. Madonna pasal hlui Guy Ritchie-an Robert Downey Jr sherlock Holmes-a a rawn hman khan a ang lo hi ka ti khawp a, a film pakhatna en chhuah kha chuan a Sherlock Holmes leh êm êm thung hian ka hria a.

Steven Mofatt leh Mike Gatiss ten Sherlock Holmes hi tunlai hunah awm se, engtin nge a khawsak ang, tunlaii thiamna zawng zawng nen hian engtin nge misual a chhui ang, tih ngaihtuahna a\anga an TV Serial siam Sherlock hi a hmuhnawm viau mai bawk. Benedict Cumberbatch-a hian a chang thiam viau mai. A hming pawh a chher phah hle.

Guy Ritchie leh Steven Moffat leh Mike Gatiss ten Sherlock Holmes leh Irene Adler inkar boruak an siam hi a ti interesting riau bawk. Elementary tih Sherlock Holmes tunlai huna an khawsak tirna pawh hi a hmuhnawm viau mai bawk.

Arthur Conan Doyle-a khan Joseph Bell-a behchhanin Sherlock Holmes hi a ziak a. Novel bu 4 ziakin, Thawnthu Tawi ho, chanchinbu hrang hranga chhuak chu a bu a hlawm khawmin, bu rukah a khung leng bawk a ni. Thawnthu tawi hrim hrim hi chu 56 a ni.

Detective Thawnthu hmasa ber emaw, Thawnthua detective hmasa ber chu Edgar Allon Poe-a thawnthua mi, Auguste Dupin-a kha a ni.

A ziaktu Arthur Conan Doyle kha damdawi lam doctor a ni a. Portsmouth Association Football Club ah goal keeper \hin a ni bawk. Hemi club hi ti tawp mahse, tunlaia Portsmouth Football Club lo din phahna hi a ni.

Amah Conan Doyle-a ngei pawh hi misual hnuchhuina kawnga tel ve zauh zauhna a nei \hin a. Dik lo taka hrem tawk tur pawh a hnuchhuina avang hian thiam changa chhuak ta zawkte pawh an awm ve nghe nghe a ni. Ama in Crowborough-ah 1930 khan kum 71 mi niin a thi a. Heart Attack vang a ni. A thusawi hnuhnung ber chu, a nupui hnena, “I duhawm êm êm a ni” tih a sawi kha a ni.

Chawia chuan the Sign of Four hi a phek tawp lam atanga a chhiar let a, a chiar zo \hak a. A ngaihnawm a tih em avangin a bul atangin a chhiar tha leh vek a ni. “Chuta \ang chuan lehkha chhiar hi ka ching,” a ti! Pa dangdai tak hi a ni ve hrim hrim a. A nuin Mobile Phone handset leina tur a pe a, Vawkte a lei haw…

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427