Sri Lankan President Gotabaya Rajapaksa-a kaihhruai \angrual sorkara tel MP 40 chuang zet chuan an chhuahsan.
Rajapaksa-a kaihhruai party, Sri Lanka Podujana Peramuna (SLPP) nena an thawhhona kalsantu MP-te hian an awmna party mal \heuhvin an ding tawh dawn tih an sawi.
Tar lan tawh angin Asia chhim lam thliarkar ram hian power neih loh leh ni tin mamawh tlakchhamna nasa tak an tawng mek a, hei hi an eibar dinhmun chhiat leh foreign exchange-a harsatna lian tak an tawh vang a ni.
Ni tin mamawh an tlakchham nasat avangin mipui thinrimin Rajapaksa chu bâng turin an nawr nasa hle.
Rajapaksa kalsantu MP-te hi engtin nge an kal zel dawn hriat a ni lo va, tun dinhmunah erawh chuan eptu lo ni sate nena thawhho lam an la sawi lo.
Rajapaksa-a cabinet member-te chu an lo bâng vek tawh a, president leh a unaupa, Prime Minister Mahinda Rajapaksa erawh chuan bân an la tum chuang lo.
President hian eptute chu thawhhopuiah sawmin sorkar intawm siam turin a ngen a, cabinet-a an hna chanpual turte pawh a zawrh.
Anni erawh chuan an hnar a, bâng turin an ti.
Eptu party lian ber, Samagi Jana Balawegaya-a an hruaitu, Sajith Premadasa chuan, “Mipuite duh ber chu he kan president leh sorkar pum bân hi a ni,” a ti.
Thawhlehni khan finance minister atana ruat thar pawh a bâng leh tawh a, darkar 24 pawh tling lo a nihna a chelh.
President Rajapaksa-a nena inkawmngeih tak, Ali Sabry-a hian parliament-a member a nihna pawh kalsanin politics-a tel lo tu emaw, tuna an buaina tifel thei tur tan a kian.
“Ni tin mamawh hrang hrang, tuialhthei leh ei rawngbawlna gas thlengin a vâng a. Damdawi tlakchham vangin damdawi in khar a ngai \ep tawh,” tiin president hlui, Sri Lanka Freedom Party hruaitu, Rajapaksa kaihhruai \angrual sorkar thlawpna hlip hlim, Maithripala Sirisena chuan parliament-ah a sawi.
“Hetiang hunah hian kan party chu mipui lamah kan \ang dawn a ni,” a ti.
mipui thinrimna
Sorkar duh lotu mipuite chuan Thawhlehniah pawh khan duh lohna hi khawpui lian hrang hrangah an la lantir a. “Mipuiin an ni tih mamawh - buhfai, dhal leh a dangte an nei thei lo va. An hnathawhnaa kal tur leh sikul kal tur pawhin bus-ah pawh an chuang thei lo,” tiin pakhat chuan a sawi a. “A bakah chhiatna a awm thei dawn em ni? Petrol leh diesel a awm lo va, lehkhapuan a awm loh avangin naupangte pawh an exam thei lo,” tiin a dangin a sawi bawk.
Mipuit hian president chu bâng turin an duh ber a. Ningania president chenna in bula duh lohna lantira tharum thawhna a thlen hnuah curfew puan ni mah se Zirtawpni leh Pathianni inkarah pawh sorkar duh lohna lantirin an chhuak tho.
Sri Lanka hian foreign exchange-ah pawisa a neih loh avangin tuialhthei leh bungraw dang a la lut thei lo varam dang a, kum 1948-a UK atanga an indan hnua an buai lai ber a ni.