Kumin March thla laihawl vel atang khan Darlawn khuaah Vawk pul hri African Swine Fever (ASF) a len thar leh avangin Va- wk 100 an thi leh tawh a, ASF len hmasaka thi te nen Darlawnah hian ASF vangin Vawk 100 chuang an thi tawh nia thudawn a ni.
Thudawnnain a sawi danin, tunhnaia Darlawna Vawl pul hri leng thar leh hi Vawk puitling tawh leh Vawkpuiin an tuar na a, ni hnih.ni thum hnu lekah an thihpui mai zel avangin Vawk vulha eizawng chhu- ngkaw tam tak an mangang hle.
ASF leng thar leh hian Darlawn khuaa VC pathum a tuam chhuak ṭan mek niin thudawnna chuan a sawi a. Nitin Vawk thi a awm avangin VC ten an huam chhung theuhah a phumna tur hmun JCB hmanga laiin Vawk thi te chu an phum thin niin thudawnna chuan a sawi bawk.
Champhaia Zion Veng leh Dinthar Vengah pawh ASF a leng leh mek tih finfiah a nih thu sorkar thuchhuahin a tarlang a. Champhai district A.H & Vety. officer-in nimin khan heng veng te hi thu leh awm hma chu Vawk hri lenna hmun ‘infected area’ ah a puang.
Khawzawlah pawh nimin khan ASF leng thar leh chungchang- ah Khawzawl bawrhsap CC. Lalchhuangkima hovin a kaihhnawih mipawimawhte an thukhawm a. ASF-in Khawzawl district a luhchilh loh na turin district dang atanga Vawk, Vawksa leh Vawksa atanga thil siamte lakluh khap ni se, an ti.
Khawzawl district Veterinary officer Dr. Philip Lawmsangzu- ala’n tunhnaiah Kh -awzawl district-ah Vawk thi report awm ve tawh mahse, ASF vanga thi an ni tih finfiah a la nih loh thu a sawi a. District then- awm leh Mizoram hmundangahte ASF avanga Vawk thi eng- emawzat a awm chhoh reng avangin fimkhur a tul hle tih a sawi.
Bawrhsap hova thukhawm chuan district chhung khua atanga khaw danga Vawk leh Vawk note lalut duhte pawhin A.H&Vety department hnen atangin phalna lak hmasak zel ni se, an ti bawk.