Kum hnih chuang hnuah
Zirna in hawng leh ta

Covid-19 leng vanga kum hnih chuang zirna in hawn mumal theih a nih loh hnuah nimin a\ang khan Mizorama zirna in zawng zawngte hawn leh \an a ni a, zirlaiten hlim takin zirna bul an \an.
March 15, 2022-a Education Minister Lalchhandama hoa department hotute leh zirtirtu inzawmkhawm pawl hruaitute \hukhawmin an lo rel tawh anga nimina zirna in hawn \an niah sorkar enkawl sikulte an hawng deuh veka ngaih a ni.
The Zozam Times zawhna chhangin school education department hotute chuan sorkar enkawl sikulte chu an hawng thei vek tura an ngaih thu an sawi a, “Harsatna eng emaw avanga sikul hawng thei lo report kan dawng lo,” an ti.
Hri leng avanga hun rei tak zirna in khar a nih hnuah mumal taka hawn leh tum a nih avangin department pawh an inbuatsaih nasa tih an sawi a, sikul hawng thei lo an awm leh awm loh hriat tuma survey an neih thu leh harsatna nei deuhte chu buaipuiin hun bi an lo tuk nia sikul an hawn ngei theih nan hma an lak thu education department hotute chuan an sawi.
Hri laka himna turin zirtirtute leh zirlaite tan Standard Operating Procedure (SOP) an duan thu department hotute chuan an sawi a, “SOP hi an zawm \hat chuan hri lakah zirna in tinte an fihlim kan ring,” an ti.
Sikul \an ni a nih angin zirna in hrang hrangah zirna tak tak kalpui nghal ni loin pawl hrang hrang hming ziah luh fel leh section siam felna hun atan hman a nih bakah Covid-19 laka an him theihna tura fimkhur taka ni tin sikul an kal dan turte inhrilhhriatna hun atan an hmang tlangpui.
Sorkar ruahmanna angin hun \an nan zirlai naupang leh zirtirtuten ‘Ro min rel sak ang che’ tih hla an sa a ni.
Aizawl chhung hmun hrang hranga zirna in tlawh kualtu The Zozam Times zawhna chhangin zirlai \henkhat chuan dan pangngaia sikul an kal leh thei chu lawmawm an tih thu leh an phur viau thu an sawi hlawm.
Nimin kha sikul hawn \an a nih tawh laiin Aizawl bak district dangah pawh zirlaibu zawrhna dawr hrang hrangte chu a la lun hle a, hei bakah hian naupang sikul uniform ngaihtuahin nu leh pa tam tak an la vir buai hle a ni.

Minister pawh a lawm tak zet

School Education Minister Lalchhandama Ralte chuan sikul hawn a ni leh thei chu zirna lama thuneitute duhthusam tihhlawhtlinna a nih avangin an lawm tak zet tih a sawi.
|inghmun, Upper Sakawrdai leh Vaitin tlawha a zin meknaah thu sawiin education minister hian hripui leng avanga kum hnih tehmeuh sikul khar a nih tawh hnua sikul hawn a lo nih tak avanga zirlaiten sikul an pan leh thei ta hian a tihlim hle tih a sawi a. Zirlaite leh zirtirtute a lawmpui tih sawiin, “Sikul kal theih loh chhung hian zirna chu online leh kawng danga kalpui ni mah se, network \hat tawk loh avang te, hmanrua neih \hat tawk loh avangtein zirlaiten an thiam tur ang an thiam fumfe loh phah thei a ni,” a ti.
Education Minister Lalchhandama Ralte hian dan pangngaia sikul hawn a ni thei leh ta chu school education lama thuneitute duhthusam tihhlawhtlinna a ni tih a sawi a. Hripui leng avanga zirna khaihlak chu ramin a tuar loh nan theihtawpa \an la tur leh, zirna boruak \ha a awm leh thuai theihna turin zirtirtute hmalakpui turin khawtlang hruaitute, nu leh pate a chah a ni.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427