Assam police-in NLFB-a tel thin mi pahnih that

National Liberation Front of Bodoland (NLFB) hel pawla tel \hin ni ngeia hriat mi pahnih vel chu Assam police nena an inbeihnaah thah an ni.
NLFB hel pawla tel \hinte hi mi pawisa chhuh luihnaa inhnamhnawih nia hriat an ni a, Chirang district-a Thawhlehnia police nen an inbeihnaah kah hlum an ni.
Additional Superintendent of Police (ASP) leh amah vengtuin hliam an tuar ve bawk.
Hel pawla tel \hin thah takte hi March 29-a India leh Bhutan ram inrinaa awm khaw pathumah mi pawisa dilin an chhuhsak lui nia puh an ni.
NLFB hel pawla tel \hinte hi an awm nia thu an hriat chu bawhzuiin Thawh\anni khan Assam police hian Runikhata-ah beihpui an thlak \an.
An mi rinhlelhte hi in pakhatah an tawm a, Thawhlehni khaw var hma khan police team hi an kap a. Police hian kap let ve nghalin pahnih thah an ni ta a ni.
ASP (Headquarters) Prakash Medhi leh a bodyguard chu kah hliam ve an ni tih police chuan an sawi.
Ina an tawmpui mi pathum chu an tlanchhuak thei a, man ngei tumin zawn beihpui pawh thlak zui nghal a ni bawk.
ASP Medhi hi a kut vei lamah kah fuh a ni a, a bodyguard nen hian Gauhati Medical College Hospital (GMCH)-ah enkawl tura lak an ni.
“Huai taka beitu ASP Prakash Medhi-a chuan hliam tuar mah se Runikhata, Chirang-a inbeihna nasa takah a team hian mi sual pahnih an that a kan chhuang hle a ni,” tiin Special Director General of Police (Law and Order) GP Singh chuan Twitter-ah a tar ang.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427