aIZAWL: Champhai district bawrhsap thar James Lalrinchhana’n nimin khan Champhai district MJA member te a pisa-a lengah sawmin, tul leh pawimawh hrang hrang a sawipui.
Champhai bawrhsap chuan district nihphung hrechiang leh tawnhriat ngah tawh tak chanchinbumite finchhuahna leh tawiawmna a mamawh tur thu sawiin, district hmellanna leh hmalaknate a tul ang zela phoch- huaktu media ten district inrelbawlna leh mipui zirtir kawngah mawhphurhna lian tak an neih thu a sawi a. Editorial tha tak tak leh zirbingna hmanga chachinthar mipuite hnena an thlen thin chuan mipui sukthlek thui takin a herdanglam thei niin a sawi.
Tun dinhmunah mi- puite rilru sukthlek siam dik kawngah theihtawp chhuah a pawimawh thu sawiin, Champhai bawr- hsap chuan “Rilru, taksa leh thlarau siam dikna lam hawi zawnga district siamthat chu thil tih makmawh a ni a, fuke kima hmasawnna a awm chauhin hmasawnna ngelnghet leh tluantling a awm thei a ni,” a ti.
Champhai bawrhsap thar chuan district chh- unga department hrang hrang 67 te chakna, tanlak ngaihna leh hmachhawpte zirchiana hmalak tum a nih thu leh tanrualna leh thawhhona tha tak nen district hmasawnna thlen ngei a beisei thu a sawi a. District pawna awmte pawhin Champhai district chanchinthar ber ber leh hlawhtlinna an lo thlira an hriat ve theihna tura thahnemngai taka hma la chhunzawm zel thin thuthar thehdarhtute chu a chah bawk.
Champhai district MJA vice president Lalhlupuia pawhin mipuite kawng dika kaihhruai leh sorkar khalh ngil leh finchhuah kawngah theihtawp an chhuah thin tih sawiin, bawrhsap thar lakah district mipui ten beiseina sang tak an neih thu leh a awm chhunga Champhai district tana thil hriatrengtlak hnutchhiah tum tura an beisei thu a sawi a. Champhai district tihhmasawn leh tihch- angtlun kawngah theihtawp chhuaha tawiawm tlat an tum thu a sawi bawk a ni.