Chhungkaw inhau thinrimin vahte hal hlum

Madhya Pradesh-a Indore-ah hmeichhe pakhat chuan a chhungten a ngaihzawng an duhpui loh avangin a nutapa fanu naupang pahnih chu an mut laiin a hal hlum niin police chuan Thawhlehni khan an sawi.
Hmeichhe naupang pahnihte hal hlumtu nia puh, an ni hi Barkha Meda (25) niin man a ni.
“An chhungkua an inhau avangin Barkha-i a thinrim chuan a nu\apa fanute pahnih – Nandu (4) leh Muskaan (6) te mutna, Rajendra Nagar-a slum area-a an in chu Thawh\anni zan khan a hal a ni,” tiin Indore Police Commissioner Harinarayanachari Mishra chuan PTI a hrilh.
Mei \helh mih a nih meuh hi chuan naupangte hi an lo thi tawh tih Mishra chuan a sawi.
Police commissioner chuan naupangte nu leh pate hi he thil thlen lai hian an awm lo ve ve niin a sawi bawk.
Police officer dang pakhat chuan Meda-i hi a pasal pahnihna nena inpawm lai niin heti chung hian mi dang a kawp a, a pasal nen pawh hian an inhau nasa niin a sawi.
An inhauh lai hian a pa chuan a beng a, a thinrim chuan meichher lain a nu\apa fapte mutna, a nu leh pa in chu a hal ta mai a. An in hi jute hruia sak mai niin a sawi.
Thil thlen dan kimchang an chhui zui mek tih a sawi bawk.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427