India ramah darkar 24 liam ta chhung khan coronavirus kai hmuh chhuahin mi 1,000 pawh a tling lo leh a, ni hnih a zawnin mi sang an tling ta lo.
Darkar 24 liam ta chhung hian hri kai mi 795 hmuh chhuah a ni a, hri kai enkawl lai mi 12,054 an la awm mek.
Darkar 24 liam ta chhung hian mi 58-in an thihpui bawk a, mi 5,21,416-in an thihpui tawh tih union health ministry chuan a tar lang.
Darkar 24 liam ta chhung hian mi 1,280 enkawl dam leh hman niin mi 4,24,96,369 enkawl dam an ni tawh a. Hri kai hmuh tawh zinga 98.76% chu enkawl dam an ni tawh a, enkawl lai hi 0.03% chauh an ni tawh.
Health ministry-in a tar lan dan chuan darkar 24 liam ta chhunga sample endik zinga 0.17% chuan an kai tih hmuh niin chawlhkar khat liam ta chhunga endik zinga 0.22%-in an kai bawk.
Hripui a len a\angin India ramah sample vaibelchhe 79.15 endik ni tawhin darkar 24 liam ta chhungin sample 4,66,332 endik a ni.
Invenna pek beihpui thlak kal zelah vaccine dose vaibelchhe 184.87 pek tawh niin naupang kum 12 leh 14 inkar mi 19,21,80,99 hnenah vaccine dose khatna pek a ni tawh a. Kum 15 leh 18 inkar mi 57,38,63,96 hnenah dose khatna leh mi 3,87,13,882 hnenah dose hnihna pek a ni tawh.
Hetih lai hian kum 60 chung lam hnenah precaution dose (booster shot) 12,19,52,39 pek a ni tawh bawk.
Health ministry-in a chhinchhiah dan chuan state leh union territory hnenah vaccine dose vaibelchhe 185.53 pek chhuah ni tawhin dose vaibelchhe 15.70 pek bang a la awm.
India-ah hian December, 2020-a mi vaibelchhe khatin hri an kai hnuah dinhmun a ziaawm zui a. January, 2022 khan Omicron variant avangin thawh thumna a tuar leh bawk.
Tun hnaiah hian khawvel hmun hrang hrang – China, UK, Italy, France leh South Korea-ah te hri hi an inkai darh nasa thar leh mek a. John Hopkins University-in a chhinchhiah dan chuan khawvel pumah hri kai mi 49,36,67,409 awm tawhin mi 61,69,813-in an thihpui tawh.