Olivia Rodrigo-i’n ‘Driver’s License’ hla hmanga nikhat chhunga Spotify-a hla stream hnem ber record siam tawh chu Harry Styles-a’n a hla thar, ‘As It Was’ hmangin a thaichhia.
May thla ni 20 a tlangzarh turalbum pathumna, ‘Harry’s House’ atanga lakchhuah hi nikhat thil thu-a US-a hla stream nasat ber niin, Billboard tarlan danin, vawi makta-duai 8.3 strem a ni a, ‘Driver’s License’ kha vawi maktaduai 8 sream a ni.
Tu khaw kha hriat lem loh, la naupang bawk si Olivia-i’n hla thar hmanga nikuma rimawi khawvel a rawn barakhaih thut khan mi tam tak mak an ti a, record siam hi thaichhiah huphurhawmah an ngai.
One Direction member hlui hian harsa lem lo takin a rawn thaichhia a, 2019 kuma tihchhuah ‘Fine Line’ album chhutzuina tur ni bawk album thar hian engtiang takin nge thawm a rawn neih len dawn sawi thiam a har ta.
Harry Styles-a hla thar hi khawvelpumpui ang chuan nikhat thil thu-a vawi maktduai 21.6 stream a ni a, April 2-a thil thleng kha kumin kum kal mekah elpha leh hnaih pha an awm lo. March thla liam taa Anitta, ‘Envolver’ khan ni khat thil thu-a vawi maktaduai 8.5 a tawngbuai a, Styles hla thar lakah chuan a la te-nau hle.