Jammu & Kashmir police chief Dilbag Singh chuan kum 2022 thla thum liam ta chhungin hel pawla mi 42 thah hman an nih thu a sawi.
Police hotupa hian Thawh\annia helho chetnaa Central Reserve Police Force (CRPF) sipai pakhat thia mi dang paliin hliam an tawrhna a thlen hnu lawkah an hlawhtlinna hi a puang.
Director General of Police (DGP) Singh-a hi Thawhlehni khan a hma ni chiah tlaia Srinagar khawpuia helhovin an beihnaa CRPF sipai pakhat thi thlahna hunah a tel bawk.
“Mi dawihzep thiltih leh namnul mai mai chi ni lo a ni a. Keini – police, CRPF leh venhim hna thawktu dangte hian kan hna thawkin venhimna kan kalpui zel ang. Kan thawhpui martar hi kan zah a, hliam tuarte pawh an dam chhuah leh thuai theih nan kan tawng\aipui a ni,” tiin thlahna hun hmannaa thuthar lakhawmtuten an kawmnaah a sawi.
“Thla thum liam ta chhung khan mi firfiak 42, ramhuai ang maia che \hinte kan that a, dan bawhchhiaa anmahni tana heng lai vela thawk, over ground worker (OGW) eng emaw zat hremna pek an ni bawk a. Hetiang kawng zawh apiang chu dang angin an chungah kan ti ang a, mi firfiak beihna an lakah kan kalpui zel ang a, kan hlahthlem dawn lo,” a ti.
CRPF head constable Vishal Kumar-a chu Thawh\anni tlai khan helhovin Maisuma, Srinagar-a an duty lai an kahnaah a thi a. A hma lawkin Pulwama-ah tual chhung mi ni lo inhlawhfa pahnih chu helho ni ngeia hriatin an kap hliam bawk.
Thawh\anni vek khan Shopian district-ah hnam tlem zawk mi pakhat chu helhovin an kap bawk tih police chuan an sawi.
Singh-a chuan civil mite beihna thleng hi demin, “Nunrawnna, pawisak neih lohna leh ramhuai ang maia chetna thil a ni a. Ramsa ang maia chetna thil a ni,” a ti.