German football club SC Freiburg chuan tun kartawp a Bayern Munich lakah 4-1 a an tlawmna result chu German football thuneitu DFB hnenah an appeal a. Bayern Munich hian khelmualah second 17 chhung player 12 an neih avangin thuneitute hnenah an thlen.
Freiburg hian an thutlukna chu an tana siam harsa tak a ni a, an duhdan tak ni lo mahse siam \ul a ni tiin an sawi a. DFB dan awmlai chu siam\hat a ngai nia an hriat thu an sawi.
Bayern nena an inkhelah hian minute 86-naah Corentin Tolisso leh Kingsley Coman la chhuakin Bayern in Marcel Sabitzer leh Niklas Sule te an luhtir dawn a. Fourth official in number a tih dik loh avangin Coman a chhuak lawk lo niin Bayern Munich leh referee Christian Dingert te chuan an sawi ve ve.
Freiburg hian kal zel dan tur an ngaihtuah hnuah an ‘appeal’ ta a. An inrawlhna ni miah lova an tan hmalak dan tur ngaihtuah a ngai chu hriatthiam a har an tih thu an sawi.
Club thuchhuahah, “Freiburg hian he thil thlengah hian inhnamhnawihna a nei miah lo chungin DFB dan bu avangin kan inrawlh a ngai a. He thil thleng enfiah ni tur hian kan chet a ngai.”
“Hetianga kan chet a ngai hi kan hrethiam lova, awmdan tur pawh hriatthiam a har hle.”
“He dan hian a tel ve miah lo a inrawlhtir a, thuneitute ni lovin anmahni zawk chu dan bawhchhiatna a hma turin a nawr a ni.” an ti.
He thil thlengah hian Bayern hian thiam loh an chang a nih chuan 2-0 a tlawm tir an ni thei.