North Tripura district-a Kanchanpur-ah tleirawl, pawngsual hnua thah ni ngeia hriat ruang chhar a nih hnuah he thil titu chhui chhuaha man a nih loh chuan Young Bru Association (YBA) chuan ADC inthlan neih tur chu boycott an tum tih an sawi.
Tleirawl ruang hi Inrinni zan khan chhar a ni.
Tual chhung mite chuan pawngsual hnua thah a nih an ring a. He thil thleng avang hian Kanchapur-ah chuan boruak a \ang hle.
Tleirawl hi kum 19 mi, Rabindra Nagar High School, Kanchanpur-a zirlai a ni a. Mulyaram Para, Kanchanpur-a cheng niin Kanchanpur-a girls’ hostel-ah a awm.
A ruang hi Inrinni zan khan forest department-in nursery an siam bulah chhar a ni.
Young Bru Association (YBA) chuan Pathianni zing khan Kanchanpur-ah pawngsual leh tualthah ni ngeia hriat thleng duh lohna hi an lantir nghal.
YBA member-te hi Kanchanpur police station tualah an pungkhawm a, darkar eng emaw zat an inhawr khawm.
Mipuite hian he thil titu hi man a nih loh chuan ADC inthlan lo awm turah Kanchanpur-ah inthlan kalpui a ni ve dawn lo tih an sawi.
Tripura Tribal Areas Autonomous District Council (TTAADC) hi vawiinah inthlan tur a ni.