Aizawl : National students’ union of India (NSUI), Mizoram state-in hun rei tak hrileng avanga zirna in hawn mumal theih tawh loh hnua zirna in te a pangngaia hawn tan leh a ni chu lawmawm an tih rualin, sorkarin uniform inang hman a tum thu a puan avang leh engang nge hman tur tih puan a la nih si loh avangin zirlai nu leh pa leh zirtirtute rilru a buai hle niin an sawi.
NSUI), Mizoram state chuan a thlawna zirlaibu sem tur pawh tun thlengin hmuh tur a la awm lo niin an sawi a. NABARD loan hmanga sikul sakthat leh thawmthat mek thenkhat pawh la luah theihlohte leh a sak chhia avanga endik ngai leh siamthat leh ngai tam tak a awm mek niin an sawi.
Heng te bakah hian chhan hrang hrang avangin sorkar leh zirlai nu leh pa te an la inpeih lo hle niin NSUI, Mizoram chuan an sawi a. Sorkar chu duh anga a la inpeihlohnate pawma, karhnih-khat chhung tal zirlaite leh zirlai nu leh pa te harsatna hrethiam chunga chingfel tura tun aia chak zawk leh mumal zawka hma la tura an phut thu an sawi bawk a ni.