Engtinnge i enkawl ang?
Thlasik ah pawh buaipui tham a tling thin. Vun a mawm viau chuan arngeng a chhawm tel nge nge thin. heng argneng te hi sawr emaw kheuh kheuh hi chin loh tawp tur a ni a. Eng-tiang khawpa han sawr châkawm pawh ni se, i kut a hlei tur a ni lovang. A changa han nin lutuk vanga hmai phih chin fo pawh hi hmairo leh thap tak a thlen thei a, vuna awm tuihu te chu tiro vekin vun tan thil tha lo a thlen thei.
A tha ber chu facial wash (mild) leh astrigents te hi hman a pawi lem lova, a pawimawh ber chu thlan chhuahna kha a phui loh a ngai. I vun hian tui hi a mamawh hle a. Oilbase make up ang chi hman loh tur a ni a, waterbase hman erawh a him thung.
1) I vun kha engtiang khawpa mawm pawh ni se, i mit leh a chheh vela awm vun te kha a no-in a pan hle a, chuvang chuan han nuai deuh vak vaka eye make up tihreh/fai lo turin fimkhur ang che. Lapua-ah make up remover tui kha hnawihin rei lo te chhung i mit chungah khan nghat la, chu mi hnuah zawi te tea hru hulin mascra leh shadow te kha nawt reh la, i mit bul vela mak up te kha a fai duak mai dawn a ni.
2) I hmai erawh kha chu Mild Foaming Facial Wash-ah tui tlem telhin na lo te tein tifai la. Hei hian sahbawn pangngai ina a tih theih lem loh – vun mawm vanga thil bet tlat thin leh bawlhhlawh kai thin chu a sil fai thei a ni. Chuan, tui mamawhna pawh a tichhe lo bawk. Tui hmanga i tihfai hma deuh khan i kut zungtang te hmangin i hmai kha dim te tein malise la. Chu mi hnu-ah tui lim pip pep hmangin tleng fai leh ang che. Zing, chhun, zana i tih chuan a tawk.
3) Lapua-ah thlan chhuahna kua tizim thei, refreshing astrigent lotion tlem i hnawih hmang khan i hmai kha dam dap hian han chul la, a rim lo chhuak dangdai leh rimtui tak i hre thei ang a, vun a lo eng sar nghal ang. Mahse, he lotion hian i hmai a tisen, a tithak a, a tithip deuh sar sar a nih bawk si chuan hman chhunzawm tawh loh tur. A tawpah tuiin i tleng fai leh vek dawn nia.
4) Engtiang khawpa vun mawm pawh ni rawh sek sek, mosturizer i hman tho a ngai a. Mosturizer hian i vun pawnlang bera awm tuihu te kha a vawn that bakah a tino thei. Pawn i chhuak lem lo a nih chuan hnawih kher a ngaih loh laiin pawn i chhuak dawn a nih erawh chuan mosturizer hnawih hnu-ah chauh i chhuak thin dawn nia. Chumi hnu-ah a chungah khan water base make up emaw oily skin make up i hnawih belh leh ang. Hetah hian fimkhur ngai laia chu i vun nena inmil tur chauh i thlang thin tur a ni a, ‘mild’ lam a ni ngei tur a ni bawk. A lar vang emaw a to vang emaw lei mai chin hi inchhirna khua tisei tu mai a ni thin.
I hman tur reng reng kha i vun nen a inmil nge mil lo tih finfiah hmasa phawt thin rawh. A chunga tarlante khi vun mawm enkawl dan tlangpui a ni a. Ei leh in ah pawh fimkhur a ngai a, thlai hnah thlai rah ei tam a, tui in tam tur a ni a. Nisa hnuaiah tei tei loh tur.
Thak, mawm, thlum leh al lutuk ang chi lak atanga inthiarfihlim bawk tur. Fai taka kut sil thin te, tui tak leh kham taka mut te lukham leh hmai hrukna tihfai reng thin te leh insawi-zawina neih hi vun hian a ngeih hle a, tarharna leh mawi tak leh mihipna ngah taka lan theihna a ni bawk.