ZPM an inpumkhat tha : Duhoma

Aizawl : ZPM party leader Lalduhoma’n ZPM a din khan party dang ten thil hrang hrangah an buai an ring hle nia sawiin, an rin loh ang takin inpumkhatna tha tak hnuaiah an kal mek niin a sawi.
ZPM Zemabawk Local council member atana ZPM candidate thlan tlin a nih lawmna nimina neihah he thu hi Lalduhoma chuan a sawi a. “Party dangte kan party chungchangah an buai hle a, a chhunga awmte erawh chuan buaina kan nei lo” a ti.
Lalduhoma chuan “A tu nge thu ber tih velah ZPM chu a buai lova, party dang, ZPM sorkar hlau ngawih ngawihtute an buai mai zawk a ni” tiin, “Buaina a awm lo mai ni lovin kan phur thar deuh deuh a ni,” a ti bawk.
ZPM leader chuan “Congress party-in thatloh theihlohna bawm an zuar mek a, thatlohtheihlohna bawm hi he khawvela thil thleng thei lo a nih avangin bawm ruak mai an zuar a ni” a ti a. Mizorama sorkar awm tawhte hnathawh a tha lo em em zel nia sawiin, “Ruling hi kawng diklo min zawhtirtu an ni fo thin, a lu ber atanga eiruknain bu a khuar nia a lan avangin thil thalo a thlenin zualkona pawh hre lovin mipui kan awm mek a ni,” a ti.
ZPM MLA te hnathawh chu bial tinah a tha bika, a daihzai bik nia sawiin, Lalduhoma chuan “Hei hian kalphung thar kan zawrh mek chu a taka thleng thei a ni tih a tarlang nghal” a ti a. ZPM VC/local council neihna veng leh khua reng rengah hna tha taka thawh a ni zel niin a sawi bawk a ni.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427