Barcelona defender Ronald Araujo chuan club-ah hun rei zawk cham turin contract thar ziah a hnaih thu a agent chuan a sawi.
Araujo contract hi nakkum nipui a zo tur a ni a, Uruguay international hi Premier League club \henkhatte nen tunhnaia sawizawm a nih avangin club lamin chelh ngheh an tum.
Barcelona hian inbiakna neihpui tawhin kum khatah Euro maktaduai 5 vel hlawh tir tura contract ziahpui an tum a, Premier League club lam ten hemi let hi hlawh tir an inhuam nia sawi a awm.
Hei vang hian Barcelona hian Araujo contract an zawrh hi an tisang a, a agent Flavio Perchman chuan sporting director Mateu Alemany nen an inhmuh hnuah inremna neih a hnai tih a sawi.
“Ronald hian club chhuahsan a duh lova, club leh player lam a\ang ziah belh duhna lian tak a awm. Hei vang hian inremna hi a hnai tawh hle.” a ti.
Kum 23 mi Araujo hian kum 2018 khan an ram club Boston River a\angin Barcelone B team a zawm a. A manah Blaugrana hian Euro maktaduai 2 vel an seng a, heta contract a ziah hi tun thlengin a la ring.
Hei vang hian first team player zinga zawh tlem ber a ni mek a, player pawimawh zing ami a nih anga a hlawh san ve an phut.
Coach Xavi Hernandez hnuaiah player pawimawh ber zinga mi niin tun season-ah vawi 34 a inkhel tawh a, goal li a khung tawh.
Barca hian sum lama harsatna an neih avangin Araujo hi contract lian tak zawrh an thei lova, nimahsela tunhnaiah Andreas Christensen leh Antonio Rudiger te nen inbiakna an nei tih thu a than avangin Araujo contract an zawrh hi an san lo thei ta lo.
Araujo hian a hlawh tihpun nimahse club tana a awlsam zawk nan contract lian tak ni lem lo ziah a pawi ti lova, Danish defender Christensen an lalut dawn nia ngaih a ni bawk.
Gerard Pique leh Eric Garcia te nen tun season-ah Xavi hnuaia defender rinrawl an ni a, Christensen an neih belh dawn niin a lang a. Hetihlai hian Clement Lenglet, Oscar Mingueza leh Samuel Umtiti te chhuahtir an nih hmel ta hle.
Hetihlai hian Barca in French forward Ousmane Dembele chu club thar zawng turin kumtirah ti mahse a agent Moussa Sissoko leh sporting director Mateu Alemany ten hmaichhanah inbiakna an nei a, contract chungchangah inremna an neih an inbeisei.