aIZAWL: Champhai district bawrhsap thar James Lalrinchhana’n Champhai district-a sor- kar department hrang hranga hotute nimin khan thutkhawmpuiin, an tawnhriat leh remhriatnate district leh a chhunga chengte tihhmasawnna atana chh- awr tangkai thiam turin Bawrhsap chuan a chah.
Champhai bawrhsap chuan District administration kengkawhtu ber Bawrhsap office chu dawr hrehlo tur leh harsatna leh mamawh an neihte thlenna atana hmang thin turin deptt. hrang hrang hotute chu a chah a. “Thawhhona a that phawt chuan district leh mipui ten an hlawkpui dawn a ni” a ti.
James Lalrinchhana chuan “Hmasawnna ruhrel lian leh chang- kang ber berte nei mah ila thinlung kan ven hmasakloha, rilru sukthlek a tha zawnga kan thlak hmasak loh chuan hmasawnna khingbai leh awmze neilo kan nei dawn” a ti a. Rilru, taksa leh thlarau nun siam dik chu ngaihpawimawha neih hmasak a tul thu a sawi.
Champhai district-a department hrang hra- ngte chakna, tanlak ngaihna leh hmachhawpte zirchiana hmalak tum a nih thu leh tanrualna leh thawhhona tha tak nen district hmasawnna hmuh ngei a beisei thu Champhai bawrhsap chuan a sawi a. Sorkar hnathawkte chu sorkar mi an nih avangin sorkar dante tha taka zawm tur leh inkaihhruainate chhiar nguna zawm turin Bawrhsap thar chuan a chah bawk a ni.