President Ram Nath Kovind chuan nimin khan Justice NV Ramana chu Chief Justice of India 48-na atan a ruat.
Ramana hian Chief Justice of India kal chhuak tur, Justice SA Bobde a thlak dawn a. Justice Bobde hi April 23-ah a chhuak tawh dawn a, Justice Ramana hian a tuk atangin chanvo thar a chelh dawn a, August 26, 2022 thleng hun a nei.
Justice Ramana hi kum 2014 atanga Supreme Court judge a ni a. A hmain Delhi High Court-ah Chief Justice a ni thin a. March 24 khan Chief Justice Bobde hian amah thlaktu atan a rawt a. August 27, 1957-a piang, Justice Ramana hian thla 16 dawn CJI nihna chelhin August 26, 2022-ah a chhuak ang.