Covid-19: India-ah XE variant kai awm leh ta

India ramah coronavirus variant thar, XE an tih chu Mumbai khawpuiah kai an awm veleh ta tih Nilaini khan puan a ni.
Brihanmumbai Municipal Corporation (BMC) chuan an huam chhunga he hri chi thar kai an awm thu hi thuthar lakhawmtute hnenah an sawi a. Kappa variant kai pakhat hmuh a ni bawk tih a sawi.
Hri kai pahnihte hi an taksaa natna lang chhuak a awm nasa lem lo niin an sawi bawk.
XE hi kar hmasa khan World Health Organisation (WHO) chuan COVID-19 chi (strian) zawng zawnga inkai awlsam ber a la nih thu a lo sawi tawh.
Mumbai-a a kai hi kum 50 mi, costume designer niin South Africa a\anga February-a lo haw kha niin March 2 khan Covid-19 a kai tih hriat a lo nih tawh thu BMC chuan a sawi.
XE hi kumin kumtirah khan UK-ah hmuh chhuah niin Britain-a health agency chuan April 3 khan January 19-a an hmuh thu leh an ramah mi 637-in an kai tawh thu an sawi.
XE hi Omicron variant-a a peng, BA.1 leh BA.2 inpawlha insiam danglam an ni a. Heng recombinant mutation an tih, chi inpawlh hi Covid kaiin chi hrang hrang a kai a\anga insiam a ni.
WHO chuan XE hi Omicron peng, BA.2 aiin 10% velin inkai a awl zawk niin a sawi.
“Tuna hriat chginah chuan BA.2 aiin 10% velin a darh chak a, zir chianna chiang zawk erawh a la ngai,” an ti.
Mumbai-a hri kai mi 230-te sample enchian zinga 228 chuan Omicron an kai a, pakhat ve vein Kappa leh XE an kai a. An zinga 21 chu damdawi ina enkawl niin oxygen leh intensive care mamawh an awm lo va. Damdawi ina awm zinga 12 chu invenna la la lo leh pakua erawh invenna vawi hnih la tawh an ni.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427