Hripui leng thawh hnihnain na taka India a nuai chung paw’n 36th Annual ranking of billionaires-ah Indian thahnem tak an lang. Ambanis, Adanis, Mittals leh Birlas te chu Forbes’ hausa list thar berah an chuang.
- Mukesh Ambani
Reliance Industries puipa Ambani hian Asia khawmualpuia hausa ber nihna a chelh chhunzawm a, khawvela hausa ber 10-na niin, a hausakna hi $Billion 90.7 anga chhut a ni. - Gautam Adani & family
Asia rama hausa ber pahnihna Adani hian infrastructure leh commodities lama hmahruaitu a nihna vawng nung zelin khawvela hausa ber 11-na a ni a, tunah hian $Billion 90 vel a thutpui. - Shiv Nadar
HCL Technologies dintu Nadar hi India rama hausa ber pathumna a ni a, Forbes tarlan danin, a hausakna punna 22% tling pha in, a hlutna $Billion 28.7 anga chhut a ni bawk a, khawvelah chuan 47-na a ni. - Cyrus Poonawalla
Serum Institute of India thluak bur, Covidshield vaccine siamtu ni bawk hian a a let hnih thawkin a hausakna a tipung thei a, tunah hian palinaah awmin $Billion 24.3 thutpuiin, khawvelah 56-na a ni. - Radhakishan Damani
Khawvel haup anga hausa ber 81-na Damani hian rampuma Supermarket lar D-Marts enkawlin, a hausakna $Billion 20 a ni vang mai. - Laskhmi Mittal
ArcelorMittal puipa hi steel leh mining output company-ah chuan khawvela ‘ber’ tihngam a ni a, hausak hlutna $Billion 17.9 niin, khawvelah chuan 89-na a ni. - Savitri Jindan & Family
OP Jindal Group phena hmeichhe lar tak hi steel leh power lama hmingthang tak a ni bawk a, khawvela 91-na hauhtu ni bawk hausakna hi $Billion 17.7 a ni e. - Kumar Birla
Aditya Birla Group puipa hi khawvelah 109-na niin, a hausakna $Billion 16.5 anga chhut a ni. - Dilip Shanghvi
Sun Pharmaceuticals thluak bur hi khawvel huap ang pawha pharma company zing lian ber pawl niin, a hausakna $Billion 15.6 niin, world ranking-ah 115-na! - Uday Kotak
Kotak Mahindra Bank hlawhtlinna phena mi langsar hi Forbes-in ‘India’s richest self-made banker’ tiin a tarlang a, khawvelah 129-naah awmin, a hausakna #Billion 14.3 a ni.
Indian mihausa dang- Azim Premji, Bajaj brothers, Rakesh Jhunjhunwala, Falguni Nayar leh midangte pawh an theuneu lo. Forbes’ 2022 Rich List-ah Indian billionaires punna hi 140 atangin 166-ah an kai a, an punna 26 a ni hial mai.