Aizawl : Kuminah Kh- awzawl dist-a lo hal vanga ram kang zau zawng he- ctare 1489 vel a ni a, March ni 15 hnu lama lo hal an awm hriat a ni lova, khaw hrang hrangin sorkar thupek an zawm tha thawkhat.
Dist level fire prevention committee, Khawzawla member secretary, DFO, Khawzawl Samson Thanruma-a report-a a lan danin, Khawzawl dist-ah lo hal avangin ram hectare 1489 vel a kang a, sor- karin lo hal hun chhung a siam erawh an zawm tha a, March ni 15 hnu lama lo hal an awm hriat a ni lo.
Lo hal piahlama ram tikang palh khaw 3 awmin, hectare 2 vel a kang a. Khawzawl wil- dlife div hnuaia Lengteng wildlife sanctuary leh Murlen national park chu kangmei lakah a la him niin DFO chuan a sawi.
Khawzawl district level fire prevention committee, an chairman, Khawzawl bawrhsap CC Lalchhuangkima hova thukhawm chuan ruahtui tlak hma chuan theihtawp chhuah chhunzawm zel a tul avangin kangmei tichhuaklo tur leh fimkhur tura inzirtirna kalpui zel an rawt a. Khawzawl bawr- hsap chuan kumin kangmei hluar zual hun chh- unga kangmei a chhuak tam lo chu lawmawm a tih thu sawiin, district level fire prevention committee member, VC, YMA leh NGO te thahnemngaihna leh thawhhona a fak bawk a ni.